Almatyda súndettelgen balanyń ata-anasy jarty jyldan beri aýrýhana jaǵalap júr. Sebebi balasynyń jynys múshesi súndettelgennen keıin asqyna bastap, nekrozǵa ushyraǵan, dep jazady Egemen.kz.
Balanyń ata-anasy bul jaǵdaıǵa hırýrgty kinálap otyr. Ákesi Dastan Beısenovtiń aıtýynsha, balasy Omarda aýtızm belgileri bolǵandyqtan kóktamyr arqyly dári qabyldaýǵa bolmaıdy. Al balany súndettegen jeke klınıka bul prosess maskalyq narkozben jasalatynyn aıtyp, sendirgen.
ktk.kz habarlaýynsha, operasııa sátti ótkenimen, ákesi balasynyń qolynan ıne izderin baıqaǵan.
«Oǵan gaz arqyly beriletin narkoz qajet edi. Bir saǵattan keıin shyqty, uıqyly-oıaý kúıde boldy. Biraq eki qolyndaǵy tamyrynda ıne izderi bar eken. Hırýrg Týǵanbaev Jánibek mazasyzdanyp shyqty. «Úsh-tórt kún tańýǵa kelip júrińder» dedi. Úshinshi kúni balanyń jynys múshesiniń basy qaraıyp ketti. Keıin «ózderiń margansovkaǵa salǵansyńdar» dep, kináni bizge aýdara bastady», deıdi Dastan Beısenov.
BQO-daǵy mektep avtobýsy apaty: 24 bala aýrýhanaǵa jetkizildi
Týystary operasııa kezinde medısınalyq talaptar saqtalmaǵan dep esepteıdi. Nátıjesinde balanyń jynys múshesiniń tinderi jansyzdana bastaǵan. Bala shuǵyl túrde aýrýhanaǵa jatqyzylyp, dárigerler oǵan «tin nekrozy» dıagnozyn qoıǵan jáne qosymsha ota jasaǵan. Qazir bala dáretke qalypty túrde otyra almaıdy.
Otbasy kinálilerdiń jaýapqa tartylýyn talap etip, Medısınalyq jáne farmasevtıkalyq baqylaý komıtetiniń departamentine shaǵym túsirgen.
Al operasııany jasaǵan hırýrg óz kinásin moıyndamaıdy. Onyń aıtýynsha, asqynýlar naýqas aýrýhanadan shyqqannan keıin týyndaýy múmkin.
«Eger bul hırýrgtyń nemese anestezıologtyń qateligi bolsa alǵashqy táýlikte baıqalar edi. Bala kishi dáretke otyra almaı, isiný, qabyný belgileri kóriner edi. Mundaı jaǵdaılar alǵashqy úsh kúnde bolǵan joq. Keıin anasynyń aıtýynsha, senbi ne jeksenbi kúni margansovka qoldanǵan. Onyń eritindisi álsiz bolýy kerek. Qalaı paıdalanǵandaryn bilmeımin, sondyqtan baǵa bere almaımyn», deıdi hırıýrg.
Kámeletke tolmaǵan qyzdy zorlady degen kúdikke ilingen qyzmetker aýrýhanada qaıtys boldy
Balanyń týystary olardyń shaǵymy birneshe aı boıy qaralǵanymen, naqty tekseris áli bastalmaǵanyn aıtyp otyr. Al daýly jaǵdaıǵa qatysy bar klınıka osy ýaqyt ishinde jabylyp úlgergen.