Fransııanyń Bordo portynda Ambition kemesinde bolǵan jaǵdaıǵa baılanysty 1700-den astam adam karantınge alyndy. Olardyń qatarynda shamamen 1200 jolaýshy jáne 500-den astam ekıpaj múshesi bar, dep jazady Egemen.kz.
BBC málimetinshe, laınerde 90 jastaǵy jolaýshy kóz jumǵannan keıin jaǵdaı ýshyǵa túsken. Marqumda qusý men ish ótý belgileri baıqalǵan, bul norovırýs ınfeksııasyna tán sımptomdar retinde sıpattalyp otyr.
Fransııa densaýlyq saqtaý organdary bul jaǵdaıdyń hantavırýspen baılanysy joq ekenin resmı túrde joqqa shyǵardy. Mamandar atap ótkendeı, qazirgi sımptomdar norovırýsqa nemese taǵamnan ýlanýǵa uqsas bolýy múmkin.
Krýızdik kompanııa ókilderi máıittiń naqty ólim sebebi áli anyqtalmaǵanyn málimdedi. Al Fransııa Densaýlyq saqtaý mınıstrliginiń dereginshe, laıner bortynda taǵy shamamen 50 adamda dál osyndaı belgiler baıqalǵan.
Kemirgishterden keletin qaýip: Hantavırýstyń alǵashqy belgileri qandaı?
Bordo bıligi úsh jolaýshynyń kaıýtalarynda oqshaýlanǵanyn, al qalǵan jolaýshylardyń qurlyqqa shyǵýyna tyıym salynǵanyn habarlady. Kemede sanıtarlyq qaýipsizdikti kúsheıtý maqsatynda jappaı dezınfeksııa jumystary júrgizilýde.
Krýız 6 mamyr kúni Shetland araldarynan bastalyp, Belfast pen Lıverpýl porttaryna toqtaǵan. Mamandardyń aıtýynsha, aýrý belgileri Lıverpýlden keıin paıda bolyp, 11 mamyrda sharyqtaý shegine jetken.
Densaýlyq saqtaý organdary sımptomdardyń taǵamnan ýlanýmen baılanysty bolýy múmkin ekenin de joqqa shyǵarmaı otyr. Degenmen, bılik buǵan deıin basqa krýızdik laınerde tirkelgen hantavırýs oshaqtarymen bul jaǵdaıdyń baılanysy joq ekenin naqtylady.
Fransııada hantavırýs juqtyrǵan alǵashqy adam anyqtaldy