Qazaqstandyq sportshylar men tanymal óner ıeleri jańa Konstıtýsııa jobasyn qoldap, 15 naýryzda ótetin respýblıkalyq referendýmǵa qatysýǵa shaqyrdy. Olar memleket taǵdyryna beıjaı qaramaı, daýys berýge qatysýdyń mańyzyn atap ótti, dep habarlaıdy Egemen.kz.
Mánerlep syrǵanaýshy, 2013 jylǵy Qazaqstan chempıony, 2017-2018 jyldary Azııa jáne Olımpıada oıyndarynyń qatysýshysy Aıza Mambekova el bolashaǵy úshin birlik pen turaqtylyqtyń mańyzyn atap ótti.
«Muz aıdynynda ár qozǵalys dáldikke, senimge jáne ishki tártipke negizdeledi. Sol sııaqty, elimizdiń Ata zańynyń kirispesinde ulttyq qundylyqtarymyzdyń myzǵymas negizi naqty aıqyndaldy. Mánerlep syrǵanaýda tepe-teńdik basty qaǵıda bolsa, memleket úshin birtutastyq pen aýmaqtyq tutastyq – eń mańyzdy qundylyq.
Sportta jeńis tek jeke sheberlikpen emes, eldiń qoldaýymen keledi. Eldiń turaqtylyǵy men qaýipsizdigi de ár azamattyń birligi men senimine baılanysty. Biz tarıhymyzdy qurmettep, bolashaǵymyzdy birge qalyptastyramyz», dedi sportshy.
Madına Sádýaqasova: Konstıtýsııa mazmuny jańaryp, berik quqyqtyq negiz qalanýdaQazaqstandyq ánshi Madına Sádýaqasova jańa Konstıtýsııa jobasynyń jarııalanýyna qatysty pikir bildirdi.
«Jańa Konstıtýsııanyń jobasy jarııalandy. jańa Ata zańymyz qoldanystaǵy baptardyń basym bóligine túzetý engizý qajettiligi jańa redaksııa qabyldaýdy zańdy etti. Sonyń nátıjesinde Konstıtýsııa mazmuny jańaryp, el bolashaǵyna berik quqyqtyq negiz qalanýda.
Qazirgi kúrdeli kezeńde ishki turaqtylyqty saqtap, júıeli reformalardy júzege asyrý – memlekettiń basty jetistigi», dedi ol.
Nurǵısa Ádiletuly: El bolashaǵy úshin ár daýys mańyzdyAýyr atletıkadan 2024 jylǵy álem chempıony, 2022 jylǵy álem chempıonatynyń kúmis júldegeri jáne Azııa chempıony Nurǵısa Ádiletuly 15 naýryzda ótetin respýblıkalyq referendýmnyń saıası mańyzyn atap ótti.
«15 naýryz – elimiz úshin saıası mańyzdy oqıǵa. Referendým tek daýys berý ǵana emes – azamattyq jaýapkershilik, el taǵdyryna beıjaı qaramaý. El bolashaǵy úshin ár daýys mańyzdy. Jarqyn bolashaq úshin daýys berýge shaqyramyn», dedi chempıon.
Shaǵban Erlan: Konstıtýsııalyq referendým – bolashaǵymyz úshin jasalatyn eń mańyzdy qadamÁlem chempıony, kıkbokser Shaǵban Erlan da referendýmnyń el úshin mańyzdy kezeń ekenin jetkizdi.
«Biz úshin kıkboksıngte ár sát taǵdyrdy sheshedi. Árbir soqqy, árbir ádis jekpe-jek jeńimpazyn anyqtap ketýi múmkin. Sol sekildi qazir bizdiń elimiz úshin taǵdyr sheshti kezeń kele jatyr.
Ata zańymyzdyń basym bóligine ózgerister engeli tur. О́mirde jáne sportta árbir sekýnd mańyzdy. Biz sharshy alańǵa shyqqanda tek kúshimizge emes, naqty jospar men durys sheshimge senemiz. Bir sát keshigý men bosańsý jeńiliske ákelýi múmkin. Otanymyzdyń taǵdyry da rıngtegi aıqas sııaqty. Munda syrttan baqylap turýǵa bolmaıdy. Konstıtýsııalyq referendým bizdiń ortaq bolashaǵymyz úshin jasalatyn eń mańyzdy qadam. 15 naýryzda elimizdiń bolashaǵyna halyq bolyp jumylaıyq. Elimizdiń bolashaǵy bizdiń qolymyzda», dedi sportshy.
Aıta keteıik, Referendým 15 naýryz kúni ótedi. Qoǵam qaıratkerleri men sportshylar el azamattaryn belsendilik tanytyp, mańyzdy saıası naýqanǵa qatysýǵa shaqyryp otyr.