Pavlodarda polıseıler jańa týǵan sábıdi satýdyń aldyn aldy. Anasy úsh kúndik qyzyn 800 myń teńgege baǵalaǵan, dep habarlaıdy Egemen.kz.
О́ńirlik polısııa departamentiniń málimetinshe, Túrkistan oblysynyń 23 jastaǵy turǵyny júktiliktiń sońǵy kezeńinde áleýmettik jeliler arqyly satyp alýshylardy izdegen.
Jedel-izdestirý sharalary barysynda polısııa qyzmetkerleri ony anyqtap, qylmystyq nıetin qujattap, baqylaý arqyly ustaǵan. Áıel bosanǵannan keıin úsh kúndik náresteni aqshaǵa berýge áreket jasaǵan sátte qylmys ústinde qolǵa tústi.
Polısııanyń jedel ári kásibı áreketteriniń arqasynda bala úshin aýyr ári qaıtymsyz saldardyń aldyn alý múmkin boldy.
Atalǵan derek boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy.
Jańa týǵan qyz dárigerlerdiń baqylaýynda, onyń ómiri men densaýlyǵyna qaýip joq. Qazirgi ýaqytta oqıǵanyń barlyq mán-jaıy anyqtalyp jatyr. Sońǵy quqyqtyq baǵa zań talaptaryna sáıkes beriledi.
Ekibastuzda týǵanyna 19 kún ǵana tolǵan sábı anasynan ajyratyldy
Pavlodar oblysy Uıymdasqan qylmysqa qarsy kúres basqarmasynyń bastyǵy Ǵabıt Qabdrahmanovtyń aıtýynsha, Qazaqstanda adam saýdasyna, ásirese balalarǵa qatysty kez kelgen áreketter qatań túrde toqtatylady.
Sábı ólimi boıynsha álemdik reıtıng jarııalandy: Qazaqstannyń kórsetkishi qandaı?