«Memleket basshysynyń 2026 jylǵy 30 naýryzda Qaýipsizdik keńesiniń otyrysynda bergen tapsyrmasyna sáıkes IIM Almaty qalasyndaǵy rezonanstyq jol-kólik oqıǵasynyń mán-jaıyn jan-jaqty ári obektıvti tergep-tekserý jáne kinálilerdiń jazadan jaltarmaýyn qamtamasyz etý boıynsha sharalar qabyldaýda. Atalǵan jol apaty faktisi boıynsha qylmystyq is qozǵaldy. ZEEKR avtokóliginiń júrgizýshisin sot sheshimimen qamaýǵa alý sharasy qabyldandy. Anyqtalǵandaı, ol apat kezinde alkogoldik masań kúıde bolǵan. Sonymen qatar burynǵy polısııa qyzmetkeriniń áreketsizdigi jáne memlekettik nómirlik belgilerdiń zańsyz berilýi faktileri boıynsha da qylmystyq ister qozǵaldy. Tergeýdi IIM-niń О́zindik qaýipsizdik departamenti júrgizýde. Qoǵamda taralǵan barlyq málimetter tekserilip jatyr», dedi E.Sádenov.
Ol qyzmette jiberilgen kemshilikter úshin Almaty qalalyq Polısııa departamenti bastyǵynyń orynbasary, sondaı-aq ákimshilik polısııa jáne qoǵamdyq qaýipsizdik basqarmalarynyń basshylary qyzmetterinen bosatylǵanyn eske saldy. Qazirgi ýaqytta qyzmettik tártipti kúsheıtý jáne zańdylyqty qamtamasyz etý boıynsha qosymsha sharalar qabyldanyp jatyr.
«Qalaǵa basqa óńirlerden polısııa jasaqtary jiberildi. Keń aýqymdy tekserý jáne reıdtik is-sharalar júrgizilýde. Alǵashqy kúnderdiń ózinde 4,8 myńnan astam jol júrisi qaǵıdalaryn buzý dereginiń joly kesildi. Onyń ishinde mas kúıinde kólik basqarý, qarsy jolaqqa shyǵý, jalǵan nómir qoldaný jáne júrgizý quqyǵynsyz kólik basqarý faktileri bar. 2 myńnan astam kólik aıyppul turaǵyna qoıyldy.Osyndaı kúsheıtilgen is-sharalar búkil el boıynsha júrgizilýde», dedi mınıstr.
Erjan Sádenov tergeý barysy óziniń jeke baqylaýynda ekenin aıtty.
Almatydaǵy jantúrshigerlik jol apaty: Polısııa basshylary qyzmetinen bosatyldy
«Barlyq kináliler zań talaptaryna sáıkes jaýapkershilikke tartylady. Eshkim de mártebesine, laýazymyna jáne baılanystaryna qaramastan, jaýapkershilikten jaltara almaıdy. Barlyǵy zań aldynda teń. Zań men tártip - qoǵamdaǵy qaýipsizdik pen ádildiktiń negizi», dedi ol.
Eske salaıyq, 24 naýryzda Almaty qalasynyń ál-Farabı dańǵylynda jol apaty boldy. Oqıǵa saldarynan 3 adam qaza tapty.