Almatyda 1 maýsymnan bastap jastarǵa arnalǵan jeńildetilgen turǵyn úı nesıesin usynatyn «Almaty Jastary» baǵdarlamasyna ótinim qabyldaý bastalady. Qujat bıylǵy jyldyń 1-15 maýsym aralyǵynda qabyldanady, dep habarlaıdy Egemen.kz.
О́tinishter men qujattar 2026 jyly 1 maýsym saǵat 09:00-den 15 maýsym saǵat 18:00-ge deıin qabyldanady
О́tinish joldaý úshin azamattar aldymen elektrondyq sıfrlyq qoltańbanyń kómegimen kezekte.kz resmı portalyna kirýi qajet, sodan keıin «Turǵyn úı servısteri» mázirinen «Almaty Jastary» baǵdarlamasyn tańdaýy tıis.
Nesıe sharty boıynsha eń joǵary nesıe somasy 20 mln teńgeden aspaýy qajet. Paıyzdyq mólsherleme – 5%, al bastapqy jarna – 10%.
Baǵdarlama aıasynda bastapqy jáne qaıtalama naryqtaǵy turǵyn úıdi satyp alýǵa bolady. Bul qatysýshylarǵa bıýdjeti men qalaǵan aýdanyna sáıkes nusqany tańdaýǵa múmkindik beredi.
Sonymen qatar baǵdarlamaǵa 35 jastan aspaǵan Almatynyń turǵyndary qatysa alady. Úmitkerler óńirde keminde bir jyl turaqty tirkeýde bolýy mindetti.
Jastarǵa arnalǵan jalǵa beriletin turǵyn úı baǵdarlamasy toqtatylady
Basty talaptyń biri – qatysýshynyń jáne onyń otbasy músheleriniń sońǵy 5 jyl ishinde menshiginde baspanasy bolmaýy tıis. Sondaı-aq Almatyda keminde 6 aı resmı eńbek ótili jáne mindetti zeınetaqy aýdarymdarynyń bolýy shart.
Baǵdarlamaǵa densaýlyq saqtaý, bilim berý, mádenıet, sport, joǵary oqý oryndary men ǵylymı-zertteý ınstıtýttary, jýrnalıstıka, áleýmettik sala, quqyq qorǵaý organdary jáne kommýnaldyq qyzmet salasynyń qyzmetkerleri ótinim bere alady. Sonymen qatar «Jumys isteıtin jastar» baǵdarlamasynyń jalǵa alýshylary da baǵdarlama arqyly baspanaly bolýǵa múmkindigi bar.
Atalǵan baǵdarlama boıynsha suraqtardy +7 (727) 225-14-57 anyqtama telefony arqyly naqtylaýǵa bolady.
Turǵyn úı kezegindegi túıtkil rettelip keledi
Buǵan deıin «Otbasy bank» keıbir azamattardy turǵyn úı kezegine qoıýdan nege bas tartqany týraly jazǵan edik.