Qazaqstan halyqaralyq yntymaqtastyq aıasynda Iran Islam Respýblıkasyna gýmanıtarlyq kómek jiberdi. Júk quramynda azyq-túlik ónimderi men dári-dármekter bar, dep habarlaıdy Egemen.kz.
Tıisti shara Qazaqstannyń halyqaralyq damý agenttigi KazAID arqyly Syrtqy ister mınıstrligi, Tótenshe jaǵdaılar mınıstrligi jáne Densaýlyq saqtaý mınıstrligimen birlesip uıymdastyryldy.
Iranǵa jalpy júk tıelgen 30 vagon jiberildi. Gýmanıtarlyq kómek Iran Qyzyl Jarty Aı qoǵamyna tabystalady.
«Qazaqstan halqynan dostas Iran halqyna beriletin gýmanıtarlyq kómek – jaqyn kórshilik qarym-qatynastardy nyǵaıtý jáne ózara qoldaýdy kúsheıtý jónindegi júıeli jumystyń bir bóligi», delingen habarlamada.
Iran Qytaı kemelerine Ormuz buǵazy arqyly ótýge ruqsat berdi
KazAID – Qazaqstannyń halyqaralyq damý salasyndaǵy resmı kómek operatory sanalady jáne Syrtqy ister mınıstrligine qarasty mekeme retinde memlekettik saıasatty júzege asyrady. Buǵan deıin Ázirbaıjannyń Iranǵa gýmanıtarlyq kómek jibergenin jazǵan edik.