Memleket basshysy «Ákimshilik ádilet jáne onyń quqyq ústemdigin qamtamasyz etý isindegi róli» atty halyqaralyq forýmǵa qatysty. Prezıdent memleket pen qoǵam tutastyǵyn nyǵaıtý – Qazaqstan úshin aldyńǵy qatardaǵy mindettiń biri ekenin atap ótti, dep habarlaıdy Egemen.kz Aqordanyń baspasóz qyzmetine silteme jasap.
«Eń aldymen, barshańyzdy alqaly jıynnyń ashylýymen quttyqtaımyn! Qadirli meımandarǵa osy forýmǵa arnaıy kelgenderi úshin alǵys aıtamyn. Sizderdi Astana tórinde kórgenime rızamyn.
Jańa ǵana forým taqyryby boıynsha ózekti oılar men qundy pikirler aıtyldy. Aldaǵy ýaqytta Úkimet bul jumysty mindetti túrde nazarda ustaıdy. Shyn máninde, búgingi jıynnyń mán-mańyzy aıryqsha», dedi Prezıdent.
Jańa Konstıtýsııanyń kúshine enýine 26 kún qaldy
Qasym-Jomart Toqaev atap ótkendeı, Memleket pen qoǵam tutastyǵyn nyǵaıtý – Qazaqstan úshin aldyńǵy qatardaǵy mindettiń biri. Elimiz turaqty damýy úshin halyq pen bılik arasynda ózara senim jáne kelisim bolýy kerek. Bul – myzǵymas qaǵıda.
«Biraq mundaı kelisim ózdiginen paıda bolmaıtyny anyq. Qoǵamdyq kelisim, bul – kópqyrly tabandy jumystyń nátıjesi. Sondyqtan men Prezıdent retinde osy óte ózekti máselege basa mán beremin», dedi Prezıdent.
Memleket basshysy «Halyq únine qulaq asatyn memleket» tujyrymdamasynyń júzege asyryla bastaǵanyn tilge tıek etti.
«Ashyq dıalog júrgizý, azamattardyń muń-muqtajyn eskerip, aryz-shaǵymyna der kezinde jaýap berý eldegi túbegeıli ózgeristerdiń ózegi sanalady. Osy mańyzdy jumysqa bıliktiń ár deńgeıdegi ókilderi, sonyń ishinde mınıstrler, ákimder, depýtattar belsendi túrde qatysýy kerek. Bul – memlekettik qyzmetshilerdiń konstıtýsııalyq mindeti», dedi Memleket basshysy.
Prezıdent, Quryltaı jáne Halyq Keńesi: Toqaev jańa zańdarǵa qol qoıdy