Búgin Prezıdent «Ákimshilik ádilet jáne onyń quqyq ústemdigin qamtamasyz etý isindegi róli» atty halyqaralyq forýmda sóılegen sózinde ákimshilik ádilet júıesi iske qosylǵan soń jaǵdaı túbegeıli ózgergenin atap ótti, dep habarlaıdy Egemen.kz.
«Ashyǵyn aıtýymyz kerek, buǵan deıin azamattar úshin memlekettik organdardyń sheshimderine jáne áreketterine shaǵymdaný, ıaǵnı, óz quqyǵyn qorǵaý ońaı bolmaıtyn. Ákimshilik ádilet júıesi iske qosylǵan soń jaǵdaı túbegeıli ózgerdi», dedi Qasym-Jomart Toqaev.
Memleket basshysynyń aıtýynsha, kúmán týdyratyn máselelerdiń bári ádiletti túrde sheshilip jatyr.
«Eń bastysy, kúmán týdyratyn máselelerdiń bári ádiletti túrde adal azamattardyń paıdasyna sheshiletin boldy. Al sottar dáleldeme jınaý jumysyna erekshe mán bere bastady. Bul – memlekettik organdar ózderiniń sheshimderin jáne áreketterin zań júzinde dáleldeýge mindetti degen sóz. Statıstıkaǵa qaraıtyn bolsaq, sońǵy jyldary sot sheshimderiniń jartysynan kóbi azamattar men bıznestiń múddesine saı shyǵarylǵan. Bul da ákimshilik ádilet júıesiniń naqty nátıjesi ekeni sózsiz. Osylaısha, qoǵamymyz «sýdıalar árdaıym bılik ókilderin jaqtaıdy» degen qasań pikirden aryla bastady», dedi ol.
Prezıdent, Quryltaı jáne Halyq Keńesi: Toqaev jańa zańdarǵa qol qoıdy
Eske sala keteıik, Memleket basshysy elordada «Ákimshilik ádilet jáne onyń quqyq ústemdigin qamtamasyz etý isindegi róli» atty halyqaralyq forýmyna qatysty.