Rıo-de-Janeıroda ótip jatqan Olımpııalyq oıyndar boks týrnıriniń 56 kıloǵa deıingi salmaǵy 1/16 fınalynda qazaqstandyq Qaırat Erálıevten jeńilip alǵan álemniń 2013 jylǵy chempıony, ázerbaıjan sportshysy Djavıd Chelebıev qarsylasynyń tóreshiler kómegimen utqanyn aıtyp, daý shyǵaryp jatyr.
Esterińizge sala keteıik, bul jekpe-jek 2:1 esebimen Qaırattyń paıdasyna sheshilgen bolatyn. Boks jankúıerleri urystyń sońynda Erálıevtiń baıaǵy Mohammed Álıdiń stıline salyp, básekelesi soqqylarynan qalaı jaltaryp ketkenin kórip, qatty rızalyq bildirdi.
Al Djavıdtiń málimdemesine oraı Qazaqstan quramasynyń bas jattyqtyrýshysy Myrzaǵalı Aıtjanov óte ádemi ýáj keltirdi.
-Ázerbaıjan jaǵy, sonyń ishinde Chelebıev óziniń Qaırat Erálıevten utylmaǵanyn aıtyp jatyr.
-Mundaılar bolady. Boksshylar, keıde tipti jattyqtyrýshylar da óz jeńilisterin moıyndaı qoımaıdy. Aıtalyq, keıde qazaqstandyq boksshy da tap osylaı teń shaıqasqa túsip jatady, biraq tóreshiler qarsylasynyń qolyn kóterip ketedi... Men qashanda arbıtr kimniń qolyn kóterse, sonyń jeńiske jetkenin aıtamyn. Qalǵanynyń bári – bos sóz, - dedi ol.
Damır QOJAMQUL