Italııadaǵy haıýanattar baǵynyń qyzmetkerleri janýarlardyń shólin basatyn jańa ádis oılap tapty. Olar ańdarǵa muzdatylǵan qarbyz berip, kópshilikti tań qaldyrdy.
«Rımde 2 aı boıy jańbyr jaýmady. Ańdar aptap ystyqqa shydamaı jatyr. Sondyqtan biz qarbyzdardy muzdatyp qoıyp, ony sýsyn retinde beremiz», – deıdi atalǵan zoobaqtyń mamandary.
Mundaǵy ár janýarǵa tıisti taǵam mólsherin dıetologtar eseptep otyrady. Soǵan oraı kútýshiler ańdarǵa muzdatylǵan jemisti beredi. Olardyń aıtýynsha, aıýlar men maımyldar ystyqqa shydamsyz eken.
Aıta keteıik, Rımde sońǵy aptada aýa raıy 30 gradýs ystyqty kórsetýde.
Talǵat RAIYMBEK
Foto: 24.kz