Arys – Shardara tas jolynda jasóspirimder mingen kólik apatqa ushyrap, qaıǵyly jaǵdaı tirkeldi, dep jazady Egemen.kz.
Otyrar telegram arnasynyń habarlaýynsha, 22 sáýir kúni Arys – Shardara avtojoly boıynda Chevrolet Cobalt jeńil kóligi men KamAZ júk kóligi soqtyǵysqan.
Apat saldarynan jeńil kóliktegi úsh jolaýshy – mektep oqýshylary oqıǵa ornynda kóz jumǵan. Al Chevrolet Cobalt júrgizýshisi men taǵy bir jolaýshy túrli jaraqat alyp, aýrýhanaǵa jetkizildi.
Aldyn ala málimet boıynsha, kólikte jattyqtyrýshy men jarysqa bara jatqan kámeletke tolmaǵan sportshylar bolǵan. Olar Túrkistan qalasyna baǵyt alǵan. Sonymen qatar, balalardy tasymaldaý týraly ýákiletti organdarǵa, onyń ishinde polısııaǵa aldyn ala habar berilmegeni anyqtaldy.
35 mln teńge ótemaqy: Almatydaǵy jol apatynan zardap shekken otbasy sot sheshimine narazy
Oqıǵaǵa qatysty júk kóliginiń júrgizýshisi ýaqytsha ustaý ızolıatoryna qamaldy. Qazirgi ýaqytta barlyq mán-jaıdy anyqtaýǵa baǵyttalǵan tergeý amaldary júrgizilip jatyr.
Sondaı-aq, balalardyń ómiri men densaýlyǵy qaýipsizdigin qamtamasyz etý mindetin tıisinshe oryndamaý deregi boıynsha sotqa deıingi tergeý bastaldy.
Tergeý qorytyndysy boıynsha tıisti prosessýaldyq sheshim qabyldanady. Qalǵan aqparat tergeý múddesine baılanysty jarııa etilmeıdi.
Shyǵys Qazaqstan oblysyndaǵy tasjolda jantúrshigerlik jol apaty boldy: Eki adam qaza tapty