Astanada jazǵy týrıstik maýsym qarsańynda ekskýrsııalyq teplohodtardy daıyndaý jumystary qyzý júrip jatyr. Búgin Esil ózeniniń jaǵalaýynda kemeler sý betine túsirildi, dep habarlaıdy Egemen.kz.
«Astana Tourism» týrızmdi damytý ortalyǵy departamentiniń dırektory Saıat Oraztaıdyń aıtýynsha, Esil boıymen sý serýenin jasaý – elordadaǵy eń tanymal demalys túrleriniń biri. Bıylǵy maýsymda jolaýshylar úshin jaǵymdy jańalyqtar az emes.
Astanada Smart City jobasy iske qosyldy
«Esil Astana» keme qatynasy kompanııasynyń ókili Karına Danılko maýsym aldynda barlyq tehnıkalyq tekseristiń aıaqtalǵanyn málimdedi.
«Barlyq teplohod syrlanyp, tolyq qyzmet kórsetildi. Jolaýshylar qaýipsizdigine erekshe kóńil bólindi: jańa qutqarý jıletteri satyp alynyp, jabdyqtar qaıta tekserildi», dedi ol.
Bıyl sý aıdynyna túrli syıymdylyqtaǵy teplohodtar shyǵady:
45 oryndyq «Astana KSW-082»; 65 oryndyq «Esil KSW-092» jáne «R-118»; 30 oryndyq «KS-192», «KS-201» jáne «PR-151».Astanada 1 mamyrda aýqymdy sport festıvali ótedi
Sonymen qatar kompanııa keme parkin zamanaýı úlgide jańartý maqsatynda 12 adamǵa deıin arnalǵan jyldam júretin tórt shaǵyn keme satyp alǵan. Bul jańa kemeler shaǵyn toptar men otbasylyq serýender úshin yńǵaıly bolmaq.
Astanadaǵy kóshelerdiń birinde kólik qozǵalysy ishinara shekteledi