«EKSPO-2017» halyqaralyq mamandandyrylǵan kórmesine Taıland koroldiginiń qatysatyndyǵy týraly kelisimshartqa qol qoıyldy. Qujatqa «Astana EKSPO-2017» ulttyq kompanııasy» aksıonerlik qorynyń basqarma basshysy Ahmetjan Esimov pen Taıland Energetıka mınıstrliginiń turaqty hatshysy – ulttyq seksııa komıssary Areepong Bhoochaoom qol qoıdy.
Basqosý barysynda A. Esimov «Bolashaq energııasy» taqyrybynda ótkiziletin kórmeniń uıymdastyrylý jumystary týraly keńirek aıtyp berdi.
«Halyqaralyq kórmege daıyndyq qarqyndy júrip jatyr. Tipti, bıyldyń kúzinde qatysýshy memleketterge ózderiniń ulttyq pavılondaryn beremiz, ony sol kezden bastap bezendirip, daıyndaı bere alady», – dedi óz sózinde ulttyq kompanııa basshysy.
Sondaı-aq ol kórmeniń halyqaralyq ilgeriletý máselesin de qozǵady. Búgingi tańda 96 memleket qatysatyndyǵyn rastap, 63-i qatysý kelisimshartyna qol qoıdy.
О́z kezeginde, Taıland ulttyq seksııasynyń komıssary A. Bhoochaoom Qazaqstannyń Taıland úshin Ortalyq Azııadaǵy mańyzdy saýda-ekonomıkalyq áriptes ekenin atap ótti.
«Kórmege qatysý bizdiń koroldik úshin óte mańyzdy. Bul shara bizdiń memleketter arasyndaǵy ekijaqty qarym-qatynastar úshin erekshe qarqyn beretinine senimdimiz», ؘ– dedi A. Bhoochaoom.
Kezdesýde Taıland ókilderi ózderiniń ulttyq kúnderin atap ótý rásimin 2017 jyldyń 12 tamyzyna bekitýdi surady. Bul kúni Taılandta Ram IH patshasynyń jubaıy – mártebeli Sırıkıt patshaıymnyń týǵan kúnine qatysty saltanatty shara uıymdastyrylady. Osy shara aıasynda taı pavılony EKSPO qatysýshylaryna arnap mádenı, oıyn-saýyq is-sharalaryn ótkizbekshi.
Aıdar О́RISBAEV