Qazaqstanda 2027 jyly jańa 20 000 teńgelik banknota aınalymǵa shyǵady. Bul týraly Tımýr Súleımenov málimdedi, dep habarlaıdy Egemen.kz.
Onyń aıtýynsha, jańa kýpıýra kelesi jyly qoldanysqa engiziledi, al qazirgi 20 000 teńgelik banknota belgili bir ýaqytqa deıin qatar aınalymda bolady.
Ulttyq bank basshysy jańa banknotanyń dızaıny buryn tanystyrylǵanyn atap ótti. Alaıda ony tolyq engizý úshin óndiris prosesi men bankterdiń, sonyń ishinde bankomat jelileriniń daıyndyǵy qajet. Osy sebepti jańa kýpıýra kezeń-kezeńimen engiziledi.
Eski 10 myń teńgelik banknottardy paıdalaný merzimi uzartyldy
Tımýr Súleımenovtiń sózinshe, osy jańartýdan keıin eldegi banknotalar qatary tolyq jańartylatyn bolady.
Sondaı-aq brıfıng barysynda jýrnalıster Qazaqstanda tıyndardy da jańartý jospary bar-joǵyn surady.
Elimizde 500 teńgelik jańa banknot aınalymǵa shyǵaryldy
Bul máselege qatysty Tımýr Súleımenov tıyndardy jańartý boıynsha naqty sheshim qabyldanbaǵanyn aıtty.
«Monetalarǵa qatysty ázirge eshteńe aıta almaımyn. Qolma-qol aqsha aınalymyna baılanysty ártúrli josparlar bar, biraq naqty sheshim áli qabyldanǵan joq», dedi ol.