Memleket basshysy jasandy ıntellekt salasyndaǵy alem.ai battle ulttyq baıqaýy men memlekettik organdar arasyndaǵy AI Governance Cup baıqaýynyń jeńimpazdaryn marapattady, dep habarlaıdy Egemen.kz Aqordanyń baspasóz qyzmetine silteme jasap.
Alem.ai battle jarysynyń jeńimpazdary tórt atalym boıynsha anyqtaldy:
AI Young Talents – aǵzadaǵy glıýkoza mólsherin ınvazıvti emes tásilmen anyqtaıtyn SuGuard júıesi; AI Driving Power – muǵalimderdiń jumysyn avtomattandyrýǵa arnalǵan Ustaz AI sheshimi; AI Innovators – JI arqyly qaterli isikti erte kezeńde anyqtaýǵa arnalǵan Robio dıagnostıkalyq qolǵaby; Future Builders – JI-modelderin úıretýge qoldanylatyn sapaly derekterdi jınaýǵa jáne qalyptastyrýǵa arnalǵan NCSPEECH startap servısi.Úzdik JI-sheshimder baıqaýynda memlekettik organdar arasynan Ishki ister mınıstrligi («AI Qaýipsizdik» atalymy boıynsha), Básekelestikti qorǵaý jáne damytý agenttigi («AI Ekonomıka»), Astana qalasynyń ákimdigi («AI Áleýmettik saıasat»), Aqmola oblysynyń ákimdigi («AI О́ńir»), Qaraǵandy oblysynyń ákimdigi («AI Azamattarǵa qyzmet») jáne «KEGOC» AQ («AI Kvazımemlekettik sektor») top jardy.
Prezıdent Alem.ai battle jáne AI Governance Cup baıqaýlarynyń jeńimpazdaryn marapattaý rásiminde sóz sóılep, búginde álemniń asa joǵary jyldamdyqpen damyp kele jatqanyna nazar aýdardy.