Páterler paıdalanýǵa beriledi

Bıyl Aqtóbe qalasynda «Nurly Jol» baǵdarlamasy boıynsha 600-den asa páter paıdalanýǵa beriledi. Osyǵan baılanysty jaqynda «Qazaqstan Ipotekalyq Kompanııasy» IU» AQ qalada salynyp jatqan turǵyn úılerdiń qurylysymen tanystyrý maqsatynda    press-týr ótkizdi. Bul «Báıterek» ulttyq  hol­dın­giniń enshiles uıymy. Ol «Nurly Jol» baǵdarlamasy aıasynda jalǵa beriletin turǵyn úı baǵdarlamasyn iske asyratyn operatorlardyń biri. Qazirgi kezde kompanııa  halyq arasynda atalǵan baǵdarlamanyń mańyzdylyǵyn túsindirý ju­mystarymen aınalysyp jatyr. «Qazaqstan Ipotekalyq Kom­panııasy» IU» AQ Bas­qarma tóraǵasynyń orynbasary Aısultan Akchýrınniń aı­týyn­sha, Aqtóbe qalasynyń turǵyndaryna jalpy aýdany 20,5 myń sharshy metr 318 páter tanystyryldy. – Qazirgi ýaqytta «Batys-2» yqsham aýdanynda turǵyn úıdiń qurylysy jalǵasýda. Bul úıdi «Sollers» JShS salyp jatyr.  Páterlerdi osy jyldyń qarasha aıynda paıdalanýǵa berý jos­parlanyp otyr.  Jalǵa alýdyń 1 sharshy metriniń baǵasy 950 teńgeden aspaıdy, – deıdi ol. Sonymen birge, onyń aıtýynsha, «Batys-2» shaǵyn aýdanynda taǵy bir turǵyn úıdiń qurylysy aıaqtaldy. Onyń jalpy aýdany 6,8 myń sharshy metr. Onda 118 páter bar.  Bul úıdi «VIP Nastıl» JShS qurylys kompanııasy saldy.  Páterler taza árlengen kúıinde usynylady. Osy jyldyń sońyna deıin Aqtóbe qalasynda 249 páter salynady. Budan basqa, Aqtóbede  44,3 myń sharshy metr 675 páterdi paıdalanýǵa berý jospar­lanyp otyr.  Al kelesi jyldyń sońyna deıin qalanyń «Nur-Aqtóbe» yqsham aýdanynda eki úı boı kó­teredi. Onda  566 páter bolady. Jalpy alǵanda, bıylǵy jyl­dyń sońyna deıin «Qazaqstan Ipotekalyq Kompanııasy» IU» AQ «О́ńirlerdi damytýdyń 2020 jylǵa deıingi» baǵdarlamasy aıasynda «Báıterek» holdınginiń qoldaýymen elimiz boıynsha birneshe úı salýdy josparlap otyr. Byltyr kompanııa Aqtóbede  478 páterli úıdi paıdalanýǵa ber­di. Al elimizdiń basqa qala­larynda 7234 páterdiń kilti tapsyryldy.  Turǵyn úıler Astana, Almaty, Shymkent, Aqtóbe, Aqtaý, Qaraǵandy, Kókshetaý, Qostanaı, Qyzylorda, Pavlodar, Semeı, Taldyqorǵan, Taraz qalalary men Almaty, Aqmola jáne Shyǵys Qazaqstan oblys­tarynda salyndy. Bul úıler birinshi kezekte kóp balaly, mú­gedek balalary bar nemese solardy tárbıelep otyrǵan otbasylarǵa, jetim balalar, ata-anasynyń qamqorlyǵynsyz qalǵan balalar men oralmandarǵa beriledi. Sonymen birge, úıler mem­lekettik jáne áskerı qyz­metkerlerge, arnaıy memlekettik organdar men bıýdjettik salanyń qyzmetkerlerine qarastyrylǵan. Dastan KENJALIN, «Egemen Qazaqstan»