Qazaq memlekettik qyzdar pedagogıkalyq ýnıversıtetiniń rektory, Almaty qalasy máslıhatynyń depýtaty Dınar Nóketaeva segiz jyldan beri uıymdastyrylyp kele jatqan respýblıkalyq «Mektepke jol» aksııasy aıasynda qaıyrymdylyq sharasyn jalǵap, Almaly aýdanyna qarasty Á.Sháripov atyndaǵy №16 mekteptiń 10 oqýshysyna qazaqstandyq «Symbat» sán úıiniń sapaly mektep formalary men barlyq kerek-jaraǵyn satyp áperdi.
Az qamtylǵan jáne kóp balaly otbasylar, jetim, sondaı-aq, ata-anasynyń qamqorlyǵynsyz qalǵan, turmysy tómen otbasy balalaryn mektepke qajetti kıim-keshek, qural-jabdyqtarmen qamtý, jetkinshekterdiń orta bilimmen tolyq qamtylýyna jaǵdaı týǵyzý, sabaqqa barýyn qamtamasyz etýdi maqsat tutqan atalmysh shara sońǵy jyldary kóp shańyraqqa aıtarlyqtaı shapaǵatyn tıgizip júr.
Sonymen saýaby úlken, sharapaty mol sharaǵa «S-master» kompanııasynyń dırektory Dáýlet Amanǵalı da atsalysyp, oqýshylarǵa otandyq taza bylǵarydan tigilgen aıaq kıimderdi syılady.
Aınash ESALI,
«Egemen Qazaqstan»
ALMATY