Úndistannyń Tamılnad shtatynda ornalasqan feıerverk shyǵaratyn zaýytta joıqyn jarylys bolyp, 23 adam qaza tapty. Taǵy alty jumysshy jaraqat alyp, aýrýhanaǵa jetkizilgen, dep habarlaıdy Egemen.kz.
Oqıǵa Vırýdhýnagar aýdanyndaǵy kásiporynda bolǵan. Jarylys kezinde zaýytta shamamen 30 adam jumys istep jatqan.
Qutqarý qyzmetiniń málimetinshe, jarylys shamamen saǵat 15:30-da pırotehnıkalyq ónimderge arnalǵan shıkizat óńdelip jatqan aýmaqta bolǵan. Soqqy kúshi sonshalyq, úsh ǵımarat tolyq qırap, mańaıdaǵy qurylystar da buzylǵan.
Panamadaǵy alapat órt: Tanker jarylysynan bir adam qaza tapty
Qutqarý jumystary kezinde ekinshi jarylys bolyp, bir órt sóndirýshi aýyr jaraqat alǵan.
Jergilikti bılik 23 adamnyń qaza tapqanyn rastady. Zardap shekken alty adam aýdandyq aýrýhanada em qabyldap jatyr.
Aldyn ala derekke sáıkes, kásiporynnyń lısenzııasy bolǵanymen, óndiris alańynda 100-den astam jumysshy bolýy múmkin degen málimet bar. Jarylystan keıin zaýyt ıesi qashyp ketken, qazirgi ýaqytta ol izdestirilip jatyr. Polısııa qylmystyq is qozǵap, kásiporynnyń lısenzııasyn qaıtaryp alý máselesin qarastyryp jatyr.
Shahtınskidegi jarylys: Páterdi qasaqana órtedi degen kúdikke ilingen er adam ustaldy
Aıta keteıik, bul – atalǵan óńirde sońǵy birneshe kún ishinde bolǵan ekinshi qaıǵyly oqıǵa. Osyǵan deıin oryn alǵan taǵy bir jarylys tórt adamnyń ómirin qıǵan bolatyn.