«...Baladan qaıyr bolmasa, Balany nege suraıdy», dep Ybyraı Altynsarın atamyz aıtqandaı, ár adamnyń baqytty bastaýy ár balanyń baqytty bolashaǵynda ǵoı. Ár otbasynyń da, eldiń de bolashaǵy – bala. Al balanyń jastaıynan jaqsy tárbıe alyp, jan-jaqty bilim jıyp, ozyq ónegeli bolǵanyn qaı ata-ana qalamaıdy deısiz. Jaqsylyq jasaý – janǵa nur quıady deıdi. Ras sóz, jaqsylyqqa jany qumar jandardyń bári osy aıtylǵandardan syrt qalmaǵandar. Sondyqtan ata-anaǵa, eline, Otanyna qaıyry bolatyndaı balany o basta jan-jaqty tárbıelep, kómek kórsetý otbasynyń ǵana jeke mindeti bolmasa kerek. Bul arada qoǵamnyń, mekteptiń alar orny bólek. Mine, muny jaqsy túsine bilgen adamdar ǵana balalarǵa árdaıym kómek qolyn sozýda aıanyp qalmaıdy. Solardyń qataryna elimizdiń polısııa qyzmetkerlerin qosýǵa ábden laıyq. О́ıtkeni, olardyń sózi men isi de úılesim taýyp, izgilikti isterge bara alatyndyǵyn tek úlkender ǵana emes, balalar da jete sezinip otyr desek artyq aıtqandyq bolmas.
Osyǵan dálel, elordalyq polısııa qyzmetkerleri Bilim kúni qarsańynda «Mektepke jol» jalpy respýblıkalyq qaıyrymdylyq aksııasyn uıymdastyrdy. Olar jańa oqý jylynda balalarǵa kómek kórsetý maqsatynda áleýmettik jaǵynan az qamtylǵan jáne kóp balaly otbasylarǵa atbasyn tiredi. О́ıtkeni, joǵaryda aıtqanymyzdaı, bul aksııany uıymdastyrýdaǵy basty maqsat – balalardyń baqytty bolashaǵyn oılaý. Ol úshin birde-bir bala bilim alýdan kende qalmaýǵa tıis dep sheshti polıseıler.
Máselen, Prıgorodnyı aýylynda turatyn bir otbasynda 8 bala bar eken. Sonyń 7-ýi kámelettik jasqa tolmaǵandar. Al, rasy kerek, bul otbasyndaǵy ata-ananyń balalardy ózdiginen mektepke daıyndaýǵa múmkindikteri joq. Sebebi, olardyń ata-analary múmkindigi shekteýli jandar. Kózderi jáýdiregen balalardyń kishileri 3 jáne 5 jasta bolsa, qalǵan 5-ýi mektep jasyndaǵylar. Aksııa barysynda balalarǵa sómkeler, mektepke qajetti barlyq oqý quraldary: penal, dápter, qalam, qaryndash, akvareldi boıaýlar, ermeksazdar jáne kıim-keshekter men táttiler t.b. molynan berildi. Búldirshinder qýanyshynda shek bolmady. Balany qýanta bilýdiń ózi baqyt emes pe. Soǵan saı balalardyń anasy Jeńisgúl elordalyq polıseılerge júrekjardy alǵysyn bildirdi. Tártip saqshylarynyń bul orasan kómegi balalardy mektepte oqytýǵa aıtarlyqtaı úles qosqanyn atap ótti.
Aqıqatynda kómekke zárý balalarǵa kómek qolyn sozýdyń tıimdiligi men qaıyrymdylyǵynyń orasandyǵynda talas joq. Sondyqtan polıseıler bul aksııany «Baqytty balalyq mekeni» degen uranmen el Táýelsizdiginiń 25 jyldyǵyna arnap otyr.
Aleksandr TASBOLATOV,
«Egemen Qazaqstan»