Iran bıligi Ormuz buǵazy arqyly ótetin kemelerden alynatyn alymdardy 60 kúnge toqtatty. Mundaı sheshim Tegeran men Vashıngton arasynda qol qoıylǵan ózara túsinistik týraly memorandým aıasynda qabyldandy, dep habarlaıdy Egemen.kz.
Soǵan qaramastan, Tegeran buǵazǵa kelgen kemeler aldyn ala ótinim berip, júrý baǵyty men buǵazdan ótý ýaqytyn kórsetýge mindetti ekenin málimdedi. Iran tarapy bul talap teńizdegi qaýipsizdikti qamtamasyz etý úshin engizilgenin málimdedi.
Buǵan qosa Tegeran bir aı ishinde Ormuz buǵazynyń akvatorııasyn mınalardan tazalap, keme qatynasyna kedergi keltiretin barlyq bógetterdi joıýǵa mindetteme aldy.
AQSh pen Iran memorandýmǵa qol qoıdy
Kelisimge sáıkes, AQSh teńiz blokadasyn toqtatqanyn jarııalady. Pentagon málimetinshe, kelisilgen merzimde amerıkalyq áskerı kúshterdiń Parsy men Oman shyǵanaqtaryndaǵy kemelerdiń qozǵalysyna kedergi keltirmeıdi.
Eske sala keteıik, buǵan deıin el bıligi Parsy shyǵanaǵyndaǵy strategııalyq mańyzy bar port aýmaǵynan jer telimin alatynyn habarlaǵan bolatyn. Kelisimge sáıkes Qazaqstan ırandyq tarapqa Kaspıı teńizindegi Aqtaý men Quryq porttarynyń ınfraqurylymyn paıdalanýǵa múmkindik beredi.