Osy jolǵy Olımpııa oıyndaryna Qazaqstan Ulttyq Olımpıada komıteti 11 jýrnalısti attandyrdy. Buryn tórteý ǵana baratyn. Úrkerdeı bolyp júrer edi. Bul joly qarqaradaı, jer qaıysqan qoldaı kóterilip júrdi. Buǵan «Qazaqstan», «Habar» jáne «Qazsport» telearnalarynan barǵan jýrnalıster men operatorlardy qosyńyz. Burynyraqta Dohada ótken Azııa oıyndaryna bizge taıaý elderdiń birinen eki jýrnalıst barǵan. Jastaýy bizdiń janymyzda júredi. Baskıimin tastamaıtyn egdeleý jýrnalısti kóretinbiz. О́zderi bizdegideı medaldi kúrep alyp jatqan joq, biraq ne aıta beretinin qaıdam, osy egde jýrnalıst qashan kórseń de ekilenip eline habar berip jatatyn. Ekeýi jazataıym kezdesip qalǵanda, dúnıeniń bir qıyrynda júrgen álgi ekeý bir-birimen amandaspaıtyn. Kárisi jasyna túıilip qaraǵanda, olarǵa esh qatysy joq biz tiksinip qalamyz. Onyń sebebin jas jigit ózi aıtyp berdi. Buǵan deıingi jarys bitkenge qolynda azyn-aýlaq bıligi bar, sport basshylaryna ózinen artyq sport tilshisi joq ekendigin uqtyryp kelgen egde jýrnalıst jalǵyz baryp kelgen eken.
Baqtııar TAIJAN,
«Egemen Qazaqstan»