Qapshaǵaı sý qoımasy mańynda trıatlonnan kásipqoı sportshylar men áýesqoılar arasynda Qazaqstan chempıonaty ótti. Ol «ALTYN ADAM TRIATHLON 2016» dep ataldy.
Oǵan 200-den astam trıatlonshy qatysty. Bul básekede Ýkraına men Qyrǵyzstannyń sportshylary da kúsh synasty. Chempıonatta kásipqoılar Sprint, Super sprint qashyqtyqtaryna jarysty.
Osy dodanyń sońynda úzdik sportshy atanǵandar Qazaqstannyń ulttyq qurama komandasyna alynady.
Bıylǵy chempıonatta Sprint qashyqtyǵy boıynsha erler arasynda Daryn Konysbaev, Sergeı Kýrochkın, Azamat Kembilov, Vıtalıı Belov, áıelder arasynda Ekaterına Shatnaıa, Arýjan Amanjolova men Áıgerim Shyńǵysek chempıon atandy.
«Qazaqstan chempıonatynda sportshylar ulttyq quramaǵa irikteýden ótti. Endi qyrkúıek aıynda ulttyq quramanyń bas jattyqtyrýshysy Dándibaı Álimbaev pen Trıatlon federasııasynyń sheshimimen komandanyń quramy jasaqtalady. Osy komanda kelesi Olımpııalyq oıyndarǵa daıyndalady», dedi Trıatlon federasııasynyń prezıdenti Murathan Toqmadı.
Dastan KENJALIN