Elbasy Nursultan Nazarbaev Ult Josparyn dáıektegen «100 naqty qadamnyń» 79-qadamynda «Basty maqsat – daıarlanatyn kadrlardyń básekelestik qabiletin arttyrý jáne bilim berý sektorynyń eksporttyq áleýetin kóterý» dep atap kórsetken edi.
Osy ózekti maqsatqa jetý jolynda el Táýelsizdiginiń 25 jyldyǵynda da atqarylǵan is az emes. Myna zymyran ýaqyt kerýenindegi órkenıet kóshiniń aldyńǵy shoǵyryna kirý jolynda Memleket basshysy alǵa qoıǵan mindet júgi odan da zor.
Táýelsizdik alǵan 25 jyl ishinde elimizde 450 memlekettik balabaqsha salyndy. Sonymen birge, jekemenshik balabaqsha sany 10 ese ósip, 2200-ge jetti. Búginde elimizde jumys isteıtin 9297 mektepke deıingi tárbıe mekemelerinde 817,8 myń bala tárbıelenedi. Bıyl balabaqshalarda 400 myń oryn ashý úshin alǵash ret memlekettik tapsyrysqa qarjy bólindi. Bıyl jańadan 538 mektepke deıingi tárbıe mekemesi ashyldy. Onyń ishinde 12 myń oryndyq 49 balabaqsha búldirshinderdi qabyldaı bastady. Jyl aıaǵyna deıin 82 mektepke deıingi tárbıe mekemesi, onyń ishinde 11 balabaqsha Ulttyq qor esebinen ashylady dep kútilýde. Táýelsizdik jyldary Qazaqstanda biliktilikti arttyrý kýrstarynan 1 mıllıonnan astam pedagog ótti. Elimizdiń árbir tórtinshi oqýshysy qosymsha bilimmen qamtamasyz etiledi. Aǵymdaǵy jyly jańadan salynǵan 92 mektep ǵımaraty paıdalanýǵa berilmek. Onyń ishinde jańa oqý jylyna deıin 60 mektep, jyl aıaǵyna deıin 32 mektep esigin aıqara ashady. «Mektepke joq» aksııasy bıylǵy jyly 9-shy ret ótkizilýde. Qamqorlyqqa zárý 280 myń balaǵa kómek kórsetildi