Koreıa Respýblıkasynda zańsyz jumys istep júrgen Qazaqstan azamattary elden aıyppul tólemeı jáne qaıta kirýge tyıym salynbaı erikti túrde shyǵa alady. Bul múmkindikti azamattar bıylǵy aqpan aıynyń sońyna deıin qoldana alady. Baǵdarlama 2025 jyldyń jeltoqsan aıynan bastap iske qosylǵan, dep habarlaıdy Egemen.kz.
Eńbek jáne halyqty áleýmettik qorǵaý mınıstrligi zańsyz kóshi-qondy azaıtý jáne azamattarymyzdyń quqyqtaryn qorǵaý máseleleri boıynsha Koreıa Respýblıkasynyń Ádilet mınıstrligimen júrgizgen kelissózder barysynda erikti shyǵý baǵdarlamasynyń ýaqytyn uzartýǵa kelisti.
«Atalǵan sharalar quqyqtyq saldardy jeńildetýge jáne óz mártebesin retteýge daıyn azamattardy qoldaýǵa baǵyttalǵan. Baǵdarlama májbúrli túrde deportasııalaýǵa jatatyn qylmystyq quqyq buzýshylyq jasaǵan tulǵalarǵa, sondaı-aq 2025 jyldyń 1 jeltoqsanynan keıin zańsyz mártebege ıe bolǵan sheteldikterge qoldanylmaıdy.
Baǵdarlamaǵa qatysý úshin pasport, erikti shyǵý týraly ótinish jáne áýe bıleti qajet. Aldyn ala habarlandyrý ushý kúnine 15-ten 3 kún qalǵanǵa deıingi aralyqta Koreıa Respýblıkasynyń kóshi-qon qyzmetteri arqyly berilýi tıis», delingen Eńbek jáne halyqty áleýmettik qorǵaý mınıstrliginiń habarlamasynda.
Atalǵan mınıstrlik Qazaqstan azamattaryna zańsyz mıgrasııa, elden shyǵarylý, aıyppuldar, quqyqtardyń shektelýi jáne eńbek daǵdarystarynyń aldyn alý úshin shetelde tek zańdy negizde eńbek etýge keńes beredi.
Qurylysta zańsyz jumys istegen sheteldikter ustaldy
Tek resmı jáne tekserilgen eńbek etý arnalary – lısenzııalanǵan jumyspen qamtıtyn jekeshe agenttikter, memlekettik baǵdarlamalar jáne jumys berýshilerdiń resmı usynystaryn paıdalaný qajet.
Qostanaıda zańsyz jumys istep júrgen sheteldikter ustaldy