Áńgimelesý barysynda quqyqtyq tártipti qamtamasyz etý jáne qylmysqa qarsy kúres baǵyttaryndaǵy ekijaqty yntymaqtastyqtyń ózekti máseleleri talqylandy, dep jazady Egemen.kz Aqordanyń baspasóz qyzmetine silteme jasap.
Prezıdent Grýzııa elimizdiń Ońtústik Kavkazdaǵy mańyzdy ári senimdi seriktesi sanalatynyn atap ótti. Sondaı-aq eki memleket arasyndaǵy qarym-qatynastyń ýaqyt tezinen ótken tarıhı tamyrlastyqqa qurylǵanyna toqtaldy.
Gela Geladze Qasym-Jomart Toqaevqa sheteldik týrısterdiń, sonyń ishinde Qazaqstan azamattarynyń qaýipsizdigin saqtaý boıynsha grýzııalyq quqyq qorǵaý organdarynyń atqaryp jatqan jumysy jóninde málimet berdi.
Qazaqstan men Grýzııa ishki ister mınıstrlikteri uıymdasqan qylmysqa, esirtki tasymaldaýǵa, kıberqylmysqa jáne ekstremızmge qarsy kúres, sondaı-aq ozyq tájirıbeler almasý, maman daıarlaý baǵyttarynda ózara yqpaldastyqty nyǵaıtýǵa nıetti.
Kezdesýde Memleket basshysy Grýzııa Prezıdenti Mıhaıl Kavelashvılı men Premer-mınıstr Iraklıı Kobahıdzege sálemin joldady.
Aıta keteıik, Prezıdentke qasıetti Ramazan aıynyń bastalýyna oraı quttyqtaý jedelhattary kelip tústi.