Elordada qys bastalǵaly kommýnaldyq qyzmet kúsheıtilgen tártipte, táýlik boıy jumys istep keledi. Qar kúreý jumystary úzdiksiz júrgizilip jatyr, dep habarlaıdy Egemen.kz.
Qala ákimdiginiń málimetinshe, ótken túnde Astanadan qar men muzdy shyǵarý jumystary qarqyndy jalǵasty. Qar polıgondaryna 3 154 aýyr júk kóliginiń reısimen 51 myń tekshe metrden astam qar men muz jetkizildi.
23 aqpan kúni tańerteń qalada qar tazalaý jumystaryna 1 946 arnaıy tehnıka men 3 041 jol jumysshysy jumyldyryldy. Aldymen negizgi kósheler men qoǵamdyq kólik joldary tazalanady, keıin ortasha qarqyndy aımaqtar – aýlalar, alańdar, trotýarlar men aıaldamalar tazalanady.
Astanada jáne elimizdiń 16 óńirinde daýyldy eskertý jarııalandy
Qys maýsymy bastalǵaly beri qaladan qar polıgondaryna 390 584 reıspen 5 787 942 tekshe metr qar shyǵarylǵan.
Turǵyndardyń qaýipsiz qozǵalysyn qamtamasyz etý úshin joldarǵa jáne trotýarlarǵa tehnıkalyq tuz sebý jumysy da táýlik boıy júrgizilip jatyr.
Astana ákimdigi turǵyndar men qala qonaqtaryn qaýipsizdik erejelerin saqtaýǵa, joldar men trotýarlarda barynsha saq bolýǵa jáne qolaısyz aýa raıynda alys jolǵa shyqpaýǵa shaqyrady.
Astanada qujatsyz tasymaldanǵan et ónimderi satylmaq bolǵan