birden úsh elde qatar ótýi múmkin
Fýtboldan álemniń 2026 jylǵy chempıonaty birden úsh elde – Meksıka, AQSh jáne Kanada jerlerinde ótip qalýy ábden múmkin. Qazir atalǵan úsh el osy turǵyda birlesken tapsyrys daıyndap jatqan kórinedi.
FIFA prezıdenti Djannı Infantıno álem chempıonatynyń birden úsh elde ótip qalýy múmkin ekenin áste joqqa shyǵarmaıdy. Budan bólek, ol mýndıalǵa qatysýshy komandalar sanynyń 32-den 40-qa deıin kóbeıtilýi de ǵajap emestigin alǵa tartty. Mine, FIFA-nyń Sıýrıhtegi shtab-páterinde bıylǵy 3-14 qazan kúnderi ótetin otyrys tap osy máselelerdi talqylaıtyn bolady.
Aıta ketetin jaıt, Soltústik Amerıka jerinde 1994 jyldan keıin álem chempıonaty ótken joq. Osynyń da áseri bar shyǵar, qazir 2026 jylǵy mýndıaldy qurlyqtyń sol bóligine berý yqtımaldyǵy da óte joǵary bolyp tur. Al 1994 jyly jahannyń kúshti komandalary AQSh stadıondarynda bas qosyp edi. Budan bólek, Meksıka 1970 jáne 1986 jyldary eki ret álem chempıonatyn qabyldaǵan bolatyn.
Degenmen, ázirge birde-bir ret chempıonat birden úsh elde ótip kórgen emes.
Murat AITQOJA