Mektep formasy – tek oqýshylardyń jaı ǵana kıimi emes, ol sol eldiń mádenıeti men dástúrin de aıshyqtaıtyn kórinis. Endeshe álemdegi elderdiń mektep formalarynyń túrli bolýy da zańdy nárse.
Aǵylshyn formasy – eski úlgide
Brıtandyq mektep formasynyń stıli klassıkaǵa negizdelgen. Ortańǵy synyp oqýshylary batys stılindegi ortodoksaldy forma kıedi. Er balalar klassıkalyq kostıým men galstýk taǵyp, bylǵary báteńke kıedi, qyzdar da batys stılinde kıinedi.
Koreıanyń formasy – djentlmendik úlgide
Uldar jaǵy aq kóılek jáne batys stılindegi shalbardy kıse, qyzdar aq jeıde, jáket, qara ıýbka jáne galstýk taǵady.
Japonııa formasy – teńizshiler kıimine uqsaıdy
Japon oqýshylary úshin mektep formasy tek mekteptiń sımvoly ǵana emes, zamanaýı sánniń aǵymy bolyp sanalady. Tipti, mektep tańdaýdyń faktory bolyp ta tabylady. Sol sebepti, mektep formasyn matros kostıými dep ataıdy. Sondaı-aq, mektep formasyna anımeniń elementterin qoldanady.
Malaızııanyń mektep kıimi – musylmandyq úlgide
Malaızııada oqıtyndardyń bári qatań erejege baǵynady. Qyzdardyń kóıleginiń etegi uzyn, tizesin jaýyp turatyn, al kóılektiń jeńi bilekti jaýyp turýy tıis. Bulardyń mektep formasy óte konservatıvti.
Avstralııa - uldar men qyzdar formasynda aıyrma az
Avstralııa oqýshylary (er bala, qyz bala bolsyn) qara bylǵary týflı, aq náskı kııýi kerek. Olar mektep formasyn barlyq ýaqytta kıip júredi eken. Tek dene shynyqtyrý páni kezinde ǵana aýystyrady.
Býtan mektep formasy óte qolaıly
Býtan oqýshylary sómke de, portfel de asynbaıdy. Olar barlyq zatyn, kitaptaryn kıimderiniń ishine salyp arqalap keledi.
AQSh formasy – eń erkin stıl
Amerıka Qurama Shtatynda oqýshylar úshin kıim tańdaýda shekteý joq. Olar mektep formasyn kııý, kımeýdi ózderi sheshedi.
Oman formasy - eń ulttyq úlgi
Oman oqýshylarynyń mektep formasynan ulttyq etnıkalyq erekshelikteri kórinedi. Oqýshylar ǵana emes, stýdentter de ulttyq kıimder kıedi. Al stýdent qyzdar oramal tartady.
Taıland formasy
Eń sándi formalardyń biri bálkim. Taılandtyń barlyq oqýshylary mektep formasyn mektepten kolledjde oqyǵanǵa deıin kııýi tıis. Biraq, Taıland stýdentteri denege jabysyp turatyn jeıde men qysqa etekti ıýbka kııýge tyrysady.
Qytaı formasy – sporttyq úlgide
Qytaıdyń kóptegen mektepterinde mektep formasy tek mólsherimen ǵana erekshelenedi. Er bala men qyz balanyń mektep formasynda asa bir aıyrmashylyq joq. Olar sporttyq úlgidegi mektep formasyn kıedi.
Qazaqstan – klassıkalyq úlgide
Ul balalar aq jeıde, kostıým, jáket, qara týflı, qyzdar jaǵy aq jeıde, jáket, qara nemese sur tústi ıýbka kıedi.
Derekkóz: http://www.novate.ru/blogs/210816/37705/
Daıyndaǵan Jansaıa SYDYQBAI