Búırek, baýyr aýystyrý operasııalary Aqtóbede de jasalady - B.Saparbaev

Sońǵy 5 jylda Aqtóbe oblysynyń densaýlyq saqtaý salasyna 200 mıllıard  teńgege jýyq qarjy bólindi. Oblystyń emdeý mekemeleri halyqaralyq stan­darttarǵa saı keletin apparattarmen jabdyqtaldy. Olardy jetik meńgergen bilikti mamandar bolýy qajet. Sondyqtan dárigerlerdi Ońtústik Koreıa, Germanııa, Izraıl, Reseı elderine taǵylymdamadan ótý­­­ge jiberip jatyrmyz dedi Aqtóbe oblysynyń ákimi Berdibek Saparbaev. Ol bul jóninde Batys Qazaqstan memlekettik medısına ýnıversıtetinde ótken halyqaralyq medısı­nalyq forýmda baıandady.

Oblysta da transplantasııalyq operasııalar jasala bastady

Jıynǵa oblys ákimi Berdibek Saparbaev, Densaýlyq saqtaý jáne áleýmettik damý mınıstrliginiń jaýapty hatshysy Aıda Qurmanǵalıeva,  sondaı-aq, Belarýs, Izraıl, Reseı, Túrkııa, Ońtústik Koreıa elderi jetekshi emhanalarynyń, respýblıkalyq ǵylymı medısınalyq ortalyqtardyń basshylary, medısınalyq klasterge kiretin Atyraý, Mańǵystaý, Batys Qazaqstan, Qyzylorda oblystarynyń ókilderi qatysqan bolatyn. "Jyl saıyn bizge kórshi oblystardan 8 myńnan astam turǵyn kelip, emdeledi.  Bizdiń óńir respýblıkalyq ǵylymı ortalyqtarmen jáne halyqaralyq deńgeıdegi emhanalarmen yntymaqtastyqta jumys isteýde.  Qazir elimizdegi sııaqty, oblysta da baýyr, búırek aýystyrylady", Berdibek Saparbaev. Forýmǵa qatysýshylar aldymen ar­­naıy ázirlengen kórmeni aralap kórdi. Kórmege sońǵy úlgidegi medı­sı­nalyq jabdyqtar, hırýrgııa men trav­matologııadaǵy zamanaýı quraldar, tipti jergilikti farmasevtıkalyq zaýyttyń fıtoónimderi qoıyldy. Munda  shetelden jáne kórshi oblystardan kelgen kompanııa­lar da óz ónimderin usyndy. Oblystyq densaýlyq saqtaý basqar­masynyń basshysy Áset Qalıevtyń aıtýynsha sońǵy bes jylda ǵana 63 densaýlyq saqtaý  nysany paıdalanýǵa berilgen. Oblystaǵy aýrýhanalar men emhanalarda 8 kompıýterlik jáne 6 magnıttik-rezonanstyq tomografııa, 109 ÝZI apparaty bar. Medısınalyq klasterdiń qurylýy aıasynda oblystaǵy jetekshi emhanalardy biriktiretin «Aktobe medical center» aýrýhanasyn qurý josparlanyp otyr. Sondaı-aq, medısınalyq klasterdiń quramyna Aqtóbe qalalyq balalar aýrýhanasy, me­dı­sınalyq jedel járdem aýrýhanasy, «Darý» emhanasy, oblystyq perınataldyq ortalyq, M.Ospanov atyndaǵy Batys Qazaqstan memlekettik medısına ýnıversıteti kiredi. Qazirgi tańda Aqtóbede memlekettik-jekemenshik áriptestik aıasynda «Al­ǵashqy járdem» JShS quny 2,4 mlrd teńge bolatyn Aqtóbe qalalyq jedel járdem stansasynyń qurylysyn bas­tady. Sonymen qatar, memlekettik-jekemenshik áriptestik jáne klaster negizinde basqa nysandar salý josparlanýda.

Jańa seh iske qosyldy

Ońtústik Ko­reıa­­nyń «Sıncheon Severens» gos­pı­taliniń bas dırektory Lı Ben Sok "Elge barǵan boıda aqtóbelik dá­rigerlerdi Ońtústik Koreıada oqytyp, sheberlikterin jetildirýdiń  jáne aımaqpen jańa ǵylymı-zertteýler júr­­gizýdiń baǵdarlamasyn jasaımyz. Biz budan tórt jyl buryn bilikti dárigerlerimizdi Qazaqstanǵa ota jasaýǵa jibere bastadyq. Ondaı ota Aqtóbede de ja­saldy. Bul dástúrdi bıyl da jalǵas­tyramyz", dedi. Túrik kompanııasynyń ókili, doktor Abdrahman Kavýndjý memleketaralyq-jekemenshiktik áriptestik jaıynda baıan­dady. Ol ózderi salyp jatqan jedel jár­dem stansasynyń artyqshylyǵyn aıtty. Onyń málimdeýinshe, bıyl Call ortalyǵy,  garaj paıdalanýǵa beriledi eken. Forým barysynda oblys ortalyǵyndaǵy «TK Farm Aqtóbe» farmasevtıkalyq kompanııasy qatty tabletka túrindegi dárilik zattardy óndirý sehyn iske qosyldy. Buǵan deıin bul kompanııa jergilikti shópterden jasalǵan sırop jáne kapsýla túrindegi dárilik ónimderdi  shyǵaryp kelgen-di. 2012 jyly iske qosylǵan  kompanııada dárilik zattardyń 14 túri shyǵarylady. Budan keıin forýmǵa qatysýshylar  «Nur Aqtóbe» shaǵyn aýdanynda ashylǵan 1200 oryndyq jańa mekteptegi «Densaýlyq-ekspress» baǵdarlamalyq-apparat kesheni jumysymen tanysty. Bul Qazaqstan boıynsha alǵash ret osy mektepte iske qosylǵan zamanaýı qondyrǵy. Osy qondyrǵy arqyly oqýshyny emhanaǵa aparmaı-aq, tolyq skrınıngtik tekserýden ótkizýge bolady. Satybaldy SÁÝIRBAI, «Egemen Qazaqstan» AQTО́BE