Astanada Qazaqstan Syrtqy ister mınıstriniń orynbasary Roman Vasılenko men Grekııa Syrtqy ister mınıstriniń orynbasary Dımıtrıos Mardastyń tóraǵalyǵymen Qazaqstan-Grekııa úkimetaralyq komıssııasynyń 3-shi májilisi bolyp ótti.
Bul komıssııa ekonomıkalyq jáne tehnologııalyq yntymaqtastyqtardy qarastyrady. Al májilis barysynda taraptar ekijaqty yntymaqtastyqty ınvestısııalar, kólik, týrızm, aýyl sharýashylyǵy jáne densaýlyq saqtaý salalarynda keńeıtý týraly ýaǵdalasty. R.Vasılenko eki el naryqtarynda qalyptasqan ońtaıly jaǵdaılar aıasynda Qazaqstan men Grekııa arasyndaǵy ózara is-qımyl sapalyq jańa deńgeıge shyǵý úshin zor múmkindikke ıe ekenin atap ótti.
«Qazaqstan Grekııa úshin Ortalyq Azııadaǵy negizgi áriptes bolyp tabylady. Sondaı-aq, Grekııa Qazaqstan arqyly Eýrazııalyq ekonomıkalyq odaq elderimen baılanysqa shyǵa alady. Sonymen birge, Grekııa da Qazaqstan úshin Balqan túbegindegi negizgi áriptes sanalady», dep atap kórsetti R.Vasılenko.
О́z kezeginde, D.Mardas Qazaqstanmen naryqtyq jáne ekonomıkalyq qatynastardy damytý úlken áleýetke ıe ekenin atap ótip, ekonomıkalyq yntymaqtastyqty nyǵaıtý saıası máselelerdi oń sheshýge de yqpal etetinin aıtty.
Qazaqstan Syrtqy ister mınıstri Erlan Ydyrysovtyń qabyldaýynda bolǵan D.Mardas suhbattasymen ekijaqty saıası, saýda-ekonomıkalyq yntymaqtastyqtyń kókeıkesti máselelerin jáne halyqaralyq problematıka taqyrybyn talqylady. Kezdesýler qorytyndysy Qazaqstan men Grekııa arasynda ekijaqty yntymaqtastyqtyń barlyq máseleleri boıynsha tolyq túsinistik bar ekenin qýattap berdi.
«Egemen-aqparat»