Mońǵolııa astanasy Ulan-Batyrda ótip jatqan bokstan Azııa chempıonatynyń fınalynda Nurbek jáne Aıbek Oralbaılar óner kórsetti, dep jazady Egemen.kz.
Parıj Olımpıadasynyń kúmis júldegeri, Nurbek Oralbaı 85 kelidegi fınaldyq synda О́zbekstan boksshysy Jasýrbek Iýldoshevke qarsy qolǵap túıistirdi. Qarsylasynan qaraǵanda tájirıbesi áldeqaıda mol otandasymyz 3 raýndta da rıngte erkin qımyldap, jeńiske jetti.
Al álem chempıony, +90 kelidegi Aıbek Oralbaı sheshýshi synda Qytaı sportshysy Danabek Baıkenjege qarsy sharshy alańǵa shyqty. Otandasymyz jekpe-jekte qarsylasyna aýyr soqqylaryn darytyp, ár raýndty óz enshisine jazdy. Qorytyndy esep: 5:0.
Aıbek buǵan deıin 2022 jáne 2024 jyldary Azııa chempıony ataǵyna qol jetkizgen. Osylaısha ol úshinshi ret Azııa chempıony atanyp otyr. Aıta keteıik, buǵan deıin tek Vasılıı Levıttiń ǵana 3 dúrkin Azııa chempıony degen ataǵy bolǵan edi.
Erler jáne áıelder quramasyn qosa alǵanda el boksshylary Azııa chempıonatyn 6 altyn medalmen qorytyndylady. Kúni keshe jeńistiń birinshi tuǵyrynan kóringen burymdy boksshylardy Prezıdent quttyqtady.