Halyqaralyq kórmege Karıb qaýymdastyǵynan on el keledi

Jaqynda Nıý-Iorkte ótken BUU Bas Assambleıasy 71-shi sessııasynyń aıasynda «EKSPO-2017» Halyqaralyq mamandandyrylǵan kórmesiniń komıssary Rápil Joshybaev Karıb qaýymdastyǵynyń (KARIKOM) bas hatshysy Irvın La Rokpen kezdesti. Kezdesý qorytyndysynda Karıb qaýymdastyǵynyń EKSPO-2017 kórmesine qatysýy týraly Shartqa qol qoıyldy. Ekijaqty kezdesý barysynda R.Joshybaev I.La Rokty halyqaralyq kórmeni ótkizýge baılanysty jasalyp jatqan daıyndyq máselelerimen jan-jaqty tanystyrdy. Ol sonymen birge KARIKOM-nyń bas hatshysyn álemdik kórmeniń jumysy bastalǵan kezde Astana qalasyna kelýge shaqyrdy. О́z kezeginde KARIKOM-nyń bas hatshysy EKSPO-2017 kór­mesiniń bas taqyryby – «Bola­shaqtyń energııasy» Karıb bas­seınindegi elder úshin qansha­lyqty mańyzdy ekendigin tilge tıek etti. Onyń aıtýynsha, Karıb qaýymdastyǵy elderiniń kópshiligi dástúrli energııa kózderinen tapshylyq kórip keledi. Sondyqtan bul elder balamaly qýat kózderin ıgerýge erekshe yntalylyq bildirýde. Taraptar BUU Qaýipsizdik Keńesine Qazaqstannyń múshe bolýyna baılanysty sý, energııa jáne azyq-túlik qaýipsizdigi máseleleri boıynsha jan-jaqty dıalog ótkizýge múddelilikterin bildirdi. Bul máseleler Karıb qaýymdastyǵy elderi úshin óte ózekti bolyp tabylady. Sebebi, bul memleketter jahandyq jylyný úrdisi bastalǵannan beri aýa raıynyń keleńsiz apattaryna jıi tap bolýda. Búgingi kúnge deıin Karıb qaýymdastyǵyna qarasty 10 memleket kórme jumysyna qaty­sa­tyndyǵyn rastady. Olar­dyń qatarynda Antıgýa jáne Bar­býda, Belız, Domınıka, Gre­nada, Gaıana, Gaıtı, Sent-Kıts jáne Nevıs, Sent-Vınsent jáne Grenadıny, Sent-Lıýsııa jáne Sýrına memleketteri bar. Osy atalǵan elderdiń atynan kórmeniń biryńǵaı Komıssary retinde KARIKOM-nyń bas hatshysy Irvın La Rok taǵaı­yn­daldy. Bul óz kezeginde elordada ótetin EKSPO-2017 kórme­siniń Karıb basseıni elderi úshin mańyzynyń asa zor ekendigin kórsetse kerek. Nıý-Iork qalasyndaǵy kezdesýler aıasynda Rápil Jo­shy­baev BUU-nyń álsiz damyǵan elder, teńizge shyǵatyn joly joq elder jáne shaǵyn araldardaǵy damýshy elder boıynsha joǵary ókili – Bas hatshynyń orynbasary Gııa Chandro Acharıemen jáne BUU Bas hatshysynyń tu­raq­ty damý jónindegi oryn­basary Vý Honbomen kezde­sti. Taraptar BUU atynan EKSPO-2017 Ha­lyqaralyq mamandan­dy­rylǵan kórmesine biryńǵaı komıs­sar taǵaıyndaý, Astana qala­syndaǵy kórme jumysy kezinde BUU qurylymynda ótkiziletin taqyryptyq sharalardy, sonymen birge, BUU-nyń klımattyń ózgerýi jónindegi Konvensııasyn is júzine asyrý barysyndaǵy máselelerdi jan-jaqty talqylady. Ulan SANJAR