Qazaqstan Prezıdenti «Astana EKSPO-2017» ulttyq kompanııasy» AQ basqarma tóraǵasy Ahmetjan Esimovti qabyldady. Bul týraly Aqordanyń baspasóz qyzmetine silteme jasaǵan Egemen-aqparat habarlady.
Kezdesýde A.Esimov Memleket basshysyna «EKSPO-2017» halyqaralyq kórmesine daıyndyq barysy týraly baıandady.
Sondaı-aq, «Astana EKSPO-2017» ulttyq kompanııasy» AQ basqarma tóraǵasy qurylys jumystarynyń kestege sáıkes júrgizilip jatqanyn jáne bıyl jyl sońyna deıin aıaqtalatynyn málimdedi. Qazan aıynda pavılondar – halyqaralyq qatysýshylarǵa, al turǵyn-úıler delegasııa múshelerine beriletin bolady.
Budan bólek, A.Esimov 103 el men 17 halyqaralyq uıymnyń kórmege qatysatynyn rastaǵanyn aıtty. Seksııalardyń 98 komıssary taǵaıyndaldy. Halyqaralyq uıymdarmen qosa, 82 el kórmege qatysatyny týraly kelisimshartqa qol qoıdy. 61 memleket Ulttyq kúnin ótkizý úshin naqty datany brondady.
Egemen-aqparat