Promoýter Bob Arým qazaqstandyq boksshy Gennadıı Golovkın men meksıkalyq Hılberto Ramırestiń 2017 jyldyń alǵashqy jarty jyldyǵynda rıngte kezdesetinine senimdi, dep habarlaıdy Sports.kz.
«Ramıres qańtar aıynda rıngke oralýy tıis. Eger bári sátimen bolsa, biz ony tezirek Golovkınmen kezdestirýge tyrysamyz. Menińshe, bul jekpe-jekti 2017 jyldyń alǵashqy jartysynda uıymdastyrýǵa bolady. Men oǵan senemin jáne GGG jeńedi dep oılaımyn» - deıdi Bob Arým.
Hılberto Ramıres - meksıkan boksshysy, 1991 jyly týylǵan. Orta salmaqta WBO nusqasy boıynsha álem chempıony. WBC, WBA, IBF reıtıngterinde 3 orynda tur. 2009 jyldan beri 34 jekpe-jek ótkizip, onyń barlyǵynda jeńiske jetken. Onyń ishinde 24 kezdesýde qarsylastaryn nokaýtpen jeńdi. Sońǵy jekpe-jegin 2016 jyldyń 9 sáýirinde ótkizip, Artýr Abrahamnan basym tústi.
Áıgerim Toqsanbek