Rýmynııadaǵy bizdiń festıval

Býharestegi dástúrli óner sherýi este qalar erekshe sátterge toly boldy. Shara el Táýelsizdiginiń 25 jyldyq mereıtoıy qurmetine arnaldy. Merekelik sharany Qazaqstan­nyń Rýmynııadaǵy elshiligi  «Interneıshnl KMG» kompanııasy demeýshiligimen uıymdastyrdy. Qazaq kınosy festıvalin ótki­zý­ge Sh.Aımanov atyndaǵy «Qa­zaq­fılm» kınostýdııasy men Býharestegi Fransýz mádenıet ınstıtýty atsalysty. Festıval aıasynda Sergeı Snejkın, Ermek Shynarbaev, Rústem Ábdirashev, Doshan Joljaqsynov, Ermek Tursynov syndy belgili rejıs­ser­lerdiń ár jyldardaǵy tańdaýly 5 fılmi kórsetildi. Qazaq kınosy kúnderiniń ashylý saltanatynda Qazaqstannyń Rý­mynııadaǵy elshisi Dáýlet Baty­rashev bul festıval eki el arasyndaǵy dostyq qarym-qatynas pen yntymaqtastyqty da­mytýǵa aıtarlyqtaı úles qosa­ty­nyn aıta kelip, mádenı dástúr­lerdiń munan keıin de jarasymdy ekpinde jalǵasa beretinine senim bildirdi.  «Shal» fılminde basty róldi somdaǵan ártis Er­bolat Toǵyzaqovqa Býharest jurt­shylyǵy súıispenshilikpen ystyq iltıpat tanytty. Eske sala keteıik, qazaq kınosynyń Rýmynııadaǵy alǵashqy festıvali byltyr Qazaq handyǵynyń 550 jyldyǵy  qur­metine oraılastyrylǵan bolatyn. Qarshyǵa KÚLEN