QR Qorǵanys mınıstri Aqtaý garnızonyna jumys saparymen bardy,- dep habarlaıdy QR Qorǵanys mınıstrliginiń baspasóz qyzmeti. Sondaı-aq, Sáken Jasuzaqov Aqtaý garnızonynyń 100 áskerı qyzmetshisine jańa qyzmettik páterdiń kiltin tabystady.
2016 jylǵy 13 qazanda QR Qorǵanys mınıstri «Batys» óńirlik qolbasshylyǵy Aqtaý garnızonynyń bólimderine jumys saparymen bardy. Batys óńirine jumys sapary barysynda Mınıstr aǵymdaǵy jaǵdaı men 2016 oqý jyly boıynsha qorytyndy tekseristiń ótkizilý barysy týraly Qurlyq áskerleriniń bas qolbasshysy men «Batys» óńirlik qolbasshylyǵy áskerleri qolbasshysynyń baıandamasyn tyńdady. Aqtaýda qorǵanys vedomstvosynyń basshysy ınfraqurylym nysandarynyń, QR Qarýly Kúshteri Áskerı-teńiz kúshteriniń korablderi men kemeleriniń ornalasýyna arnalǵan salynyp jatqan pırstiń qurylys barysyn tekserdi. Aqtaý garnızonynyń 100 áskerı qyzmetshisi jańa qyzmettik páterdiń kiltine ıe boldy. «Baspanamen qamtamasyz etý Qarýly Kúshterdiń Joǵarǵy Bas Qolbasshysy tarapynan bizge, ıaǵnı, Otan qorǵaýshylarǵa degen qamqorlyǵynyń jarqyn kórinisi bolyp tabylady. Búgingi kún baspana, áskerı garnızondardyń áleýmettik ınfraqurylymy obektileriniń salyný máseleleri josparly túrde sheshilip jatqandyǵynyń taǵy bir dáleli ispetti», - dep Mınıstr atap ótti. Sonymen qatar, jumys sapary sheńberinde Qorǵanys mınıstri Ulttyq áskerı-patrıottyq ortalyǵynyń fılıalyn ashý jáne Aqtaý garnızonynda áskerı qyzmetshiler men olardyń otbasy múshelerine arnalǵan áskerı gospıtal turǵyzý týraly birqatar sheshim qabyldady.