WBA (Super), IBO, WBC jáne IBF nusqalary boıynsha orta salmaqtaǵy álem chempıony qazaqstandyq Gennadıı Golovkın 10 jeltoqsanda Djeıkobspen ótýi tıis kezdesýden resmı túrde bas tartty, - dep habarlaıdy Boxing News 24. Aıta keteıik, osyǵan deıin qazaqstandyq boksshy orta salmaqtaǵy álem chempıony amerıkalyq Denıel Djeıkobspen jekpe-jek ótkizýdi josparlaǵan bolatyn.
Basylymnyń málimetinshe, Golovkın men Djeıkobstyń komandalary sońǵy apta ishinde "saýdalasyp", sońynda kelisimge kele almaǵan. Osyǵan baılanysty qazaqstandyq Golovkınge kezdesýden bas tartýǵa týra kelgen. Endi eki boksshynyń jekpe-jegi 2017 jylǵa qaldyrylyp, aqpan nemese naýryz aıynda ótýi múmkin.
Aıta keteıik, osyǵan deıin Djeıkobstyń bapkeri Andre Roze de bıyl sportshysynyń Golovkınmen jekpe-jek ótkizbeıtini jaıly málimetti rastady. Bapker daıyndalýǵa az ýaqyt qaldy degen sebeppen kezdesýdiń bolmaıtynyn aıtty. Onyń aıtýynsha, Djeıkobs áli daıyndalmaǵan da. Eger de jekpe-jek 10 jeltoqsanda ótse, daıyndalýǵa alty apta ýaqyt qana qalady. Amerıkalyq boksyshynyń bapkeri Djeıkobstyń mundaı kezdesýge kem degende 10-12 apta daıyndalǵanynyn qalaıdy eken.