Júzý sportynan Qazaqstan Respýblıkasy kýbogy jolyndaǵy jarystyń saltanatty ashylýyna óńir basshysy Berdibek Saparbaev, Rıo-de Janeıroda ótken Olımpıada jáne Paralımpııada oıyndarynda júzý sportynan altynnan alqa taqqan Dmıtrıı Balandın men Zýlfııa Ǵabıdýllına qatysty.
-Sizderdiń jeńisterińiz jas urpaqty sporttyń osy túrimen aınalysýǵa jeteleı túsedi. Sondyqtan jastarymyzǵa mundaı bıikterdi baǵyndyrý úshin talap pen eńbek kerek der edim. Munyń ózi talaptansa, jigerlense, alynbaıtyn qamal joq ekeniniń taǵy bir aıqyn dáleli bolmaq. Al talapty jasty qoldaýǵa árqashan ázirmiz,-dedi Berdibek Máshbekuly.
Jarysqa Almaty jáne Astana qalalarynan, elimizdiń barlyq aımaqtarynan 220 jáne Reseıden bes sportshy qatysýda.
Satybaldy SÁÝIRBAI,«Egemen Qazaqstan», Aqtóbe oblysy.
Foto: Haıreden Raýshanov.