Astanada «Dáýlet» sport kesheninde taekvondodan Qazaqstan chempıonaty bastaldy.
Jarysqa 14 oblys pen Astana, Almaty qalalarynan 300-ge jýyq sportshy qatysyp jatyr. Olardyń arasynda Rıo-de-Janeırodaǵy HHHI jazǵy Olımpıadaǵa qatysqan Jansel Denız, Rýslan Japparov jáne Aınur Esbergenova jáne jastar arasynda Azııa oıyndarynyń jeńimpazy Nursultan Mamaev ta bar.
Jarysqa qatysýshy qyzdar 8 salmaqta, erler 8 salmaq dárejesinde úzdikterdi anyqtaıtyn bolady. Týrnırdiń mańyzdylyǵyn barlyq Federasııanyń ókilderi, jattyqtyrýshylar men sportshylar da aıtýda. О́ıtkeni jarys qorytyndysy boıynsha Qazaqstannyń ulttyq taekvondo (WTF) quramasy jasaqtalmaq. Úzdik sportshylardyń jetistikterin bas bapker QR UQK taekvondo boıynsha sheberi Iý Eng Djın jiti baqylaýda.