Taıaýda Batys Qazaqstan oblysynyń ortalyǵynda kezekti senbilik ótti. Osy shara barysynda baıyrǵy Oraldyń jasyl jelegine 250-den astam jańa «turǵyn» qosyldy. Olardyń arasynda jalpaq japyraqty da, qylqan japyraqty da aǵash túri barshylyq. Úshbý senbilikke ózge oraldyqtarǵa qosa, oblystyq etnomádenı birlestikteriniń ókilderi de bilek sybanyp, belsendi atsalysty.
Máselen, bizdiń oblysty mekendegen ázerbaıjandardyń «Birlik» mádenı-aǵartý qoǵamynyń tóraǵasy Nadjaf Mámedov pen Qazaqstan halqy Assambleıasynyń múshesi, oblystyq máslıhattyń depýtaty, Oral óńirindegi armıandardyń «Mazıs» etnomádenı birlestiginiń tóraǵasy Avetık Amırhanıan (oń jaqta) ekeýi tize qosyp, shyrsha kóshetin otyrǵyzdy.
Armenııa men Ázerbaıjan kóp jyldan beri jer máselesine qatysty qyrǵı qabaq jaǵdaıda ekendigi málim. Al myna fotokadrda qasıetti qazaq jerin qutty meken sanaıtyn armıan men ázerbaıjannyń birlesip kóshet ekkendigi beınelengen. Endeshe, Otanymyzdyń uly mártebeli Táýelsizdiginiń 25 jyldyq mereıtoıyna oraı kúni keshe otyrǵyzylǵan shóje-shyrsha dostyqtyń shynaryna aınalsyn dep tileıik!
Baýyrjan ǴUBAIDÝLLIN,
jýrnalıst
ORAL