Qytaıda on myńǵa jýyq jastar "Qytaı Demokratııalyq lıgasy" partııasyndaǵy qabyldaý bóliminiń hatshy qyzmetine talasyp otyr, - dep habarlaıdy egemen.kz Lenta.ru - ǵa silteme jasap.
Basylymnyń aıtýynsha, bul - qyzmetkerge eshqandaı jaýapkershilik júktemeıtin jeńil jumys. Iаǵnı, ol kelýshilerdi kútip alyp, kezdesýlerdi uıymdastyrady. Sol arqyly kóp bedeldi adamdarmen tanysady. Úmitkerlerge qoıylatyn basty talap - bakalavr bilimi men eki jyldyq jumys ótili ǵana. Sonymen qatar Qytaı Kommýnıstik partııasy quramynda bolýy da shart emes. Endi osy kóp úmitkerlerdiń ishinen tek bes adam tańdalyp, suhbattasýǵa kiredi.
Negizinen, Qytaıda memlekettik qyzmetkerler turaqty tabysy barlardyń qatarynda. Biraq QHR basshysy Sı Szınpınniń júrgizip otyrǵan saıasatyna baılanysty sheneýnikterdiń laýazymy birshama túsip ketken. Al joǵarydaǵy partııanyń eldegi bılikke qatysy joq.