Qazaqstan tennısi tarıhynda alǵash ret birden tórt sportshy álemdik reıtıngtiń úzdik ondyǵyna endi. Bul – otandyq tennıs mektebiniń turaqty damýy men sportty júıeli túrde qoldaýdyń naqty nátıjesi, dep jazady Egemen.kz.
Qazaqstan áıelder quramasynyń kóshbasshysy Elena Rybakına WTA reıtınginde 3-orynda turaqty túrde kele jatyr. Ol bıylǵy maýsymdy sátti bastap, Australian Open týrnırinde top jardy. Fınalda álemniń birinshi raketkasy Arına Sobolenkony 6:4, 4:6, 6:4 esebimen jeńip, joǵary deńgeıdegi turaqty oıynyn taǵy bir márte dáleldedi.
Erler arasyndaǵy ATP reıtınginde Aleksandr Býblık 10-satyǵa kóterilip, zamanaýı tennıstegi eń jarqyn ári kreatıvti oıynshylardyń biri ekenin dáleldedi.
Tennısshi Aleksandr Býblık balanyń tusaýyn kesti
Juptyq synda Anna Danılına aıryqsha tabysqa jetip, WTA Doubles reıtınginde 6-orynǵa kóterildi. Bul –sportshynyń mansabyndaǵy rekordtyq kórsetkish. Ol maýsymdy Qatar Open (Doha, Qatar) týrnırindegi jeńispen bastaǵan.
Jasóspirimder arasynda Zanǵar Nurlanuly ITF Juniors reıtınginiń úzdik ondyǵyna enip, tarıhı jetistikke qol jetkizdi.
Bul nátıjeler bizdiń tennısshilerdiń álemdik arenadaǵy básekege qabilettiligi artyp kele jatqanyn kórsetedi. Sonymen qatar, elimizdegi tennıs júıesiniń tıimdiligi men keshendi jumysynyń naqty jemisi ekenin dáleldeıdi.
Elimizdiń úzdik tennısshisi Australian Open týrnırinde qansha tabys tapty?