Taldyqorǵanda «Zamanaýı syn-tegeýrinder men qoǵamnyń jahandaný jaǵdaıynda Qazaqstandaǵy bilim men ǵylymnyń ınnovasııalyq áleýeti» taqyrybynda halyqaralyq ǵylymı-tájirıbelik konferensııa ótti. Konferensııany I.Jansúgirov atyndaǵy Jetisý memlekettik ýnıvesıtetiniń rektory, geografııa ǵylymdarynyń doktory, professor Qýat Baımyrzaev ashty.
Konferensııanyń maqsaty – ǵylym men ınnovasııanyń teorııalyq jáne praktıkalyq qıyndyqtaryn jeńý jáne bilim berý, ekonomıka, aqparattyq tehnologııa, qoǵamdyq, áleýmettik, tehnıkalyq ǵylymdardyń damýynyń ózekti máselelerin talqylap, Qazaqstandaǵy bilim men ǵylymnyń ınnovasııalyq áleýetin arttyrý.
Konferensııa jumysyna Túrkııa, Reseı, Ýkraına, Bolgarııa elderinen arnaıy kelgen ǵalymdar jáne elimizge tanymal ǵylym doktorlary men professorlar, ýnıversıtettiń oqytýshy-professorlary men stýdentteri, barlyǵy 250 adam qatysty.