Shymkentte oblystyq «Ahyska» túrik etnomádenı birlestiginiń uıymdastyrýymen «Meniń Qazaqstanym - meniń júregim!» taqyrybynda merekelik is-shara ótti, dep habarlaıdy egemen.kz OQO ákimdiginiń saıtyna silteme jasap. El Táýelsizdiginiń 25 jyldyǵyna arnalǵan saltanatty sharaǵa oblys ákiminiń orynbasary Ulasbek Sádibekov, oblystyq máslıhat hatshysynyń mindetin atqarýshy Ábilqasym Dosbolov qatysty. Sondaı-aq, qoǵamdyq kelisim men birlikti nyǵaıtýda oblystyq túrik etnomádenı birlestiginiń úlesi mol ekeni aıtyldy. Merekelik sharada birlestiktiń belsendi músheleri oblys ákiminiń alǵys hatymen, oblystyq máslıhattyń gramotasymen jáne «Ahyska» túrik etnomádenı birlestiginiń alǵys hatymen marapattaldy. Bir aıta keterligi, OQO-da 70 myńǵa jýyq túrik etnosynyń ókilderi turady. Al 1989 jyldan beri jumys istep kele jatqan túrik etnomádenı birlestiginiń janynda jeksenbilik mektep, jastar qanaty men aqsaqaldar keńesi qurylǵan.
Túrik etnomádenı birlestigi OQO-da merekelik shara ótkizdi
507 ret
kórsetildi