О́tken jyly paıdalanýǵa berilgen uzaqtyǵy 214 km quraıtyn Arqalyq-Shubarkól qatynasy tasymaldyń ara qashyqtyǵyn Ortalyq Qazaqstannan soltústik óńirlerge orta eseppen 550 km jáne tasymaldaý ýaqytyn 1,5-2 táýlikke qysqartty. Sáıkesinshe, osy baǵyttaǵy qazaqstandyq júk jóneltýshilerdiń kóliktik shyǵyndarynyń qysqarýy ortasha eseppen 30% qurady. Bul týraly búgin Úkimet otyrysynda Investısııalar jáne damý mınıstri Jeńis Qasymbek málimdedi dep habarlaıdy egemen.kz tilshisi.
Mınıstrdiń habarlaýynsha, jol kólik qatysanysyndaǵy, fızıkalyq tosqaýyldardy joıý úshin sońǵy bes jylda 5 myń km avtojol qaıta qurylymdandy, ońtaıly magıstraldyq jelini qalyptastyratyn, temir jol jelileriniń paıdalanatyn uzyndyǵy 1 703 km ulǵaıdy, modernızasııalaýdy talap etetin 8 áýejaıdyń 4-ýi tolyǵymen rekonstrýksııalandy, Aqtaý teńiz portynyń ótkizý qabileti 20 mln. tonnaǵa deıin ulǵaıdy.