Italııada ótip jatqan 2026 jylǵy qysqy Olımpıada oıyndarynda short-trekten jarystar bastaldy. Búgingi jarys kúninde el short-trekshileri 500 metr qashyqtyqta baq synady, dep jazady Egemen.kz.
Bul qashyqtyqta Qazaqstan quramasynyń atynan Iаna Han men Olga Tıhonova jarys jolyna shyqty.
Olga Tıhonova irikteý kezeńiniń alǵashqy jarysynda tórtinshi bolyp márege jetti. Nátıjesinde ol shırek fınalǵa óte almady. Aıta keteıik, bul kezeńge ár jarystan eki úzdik sportshy, sondaı-aq úshinshi oryn alǵandardyń ishinen eń jaqsy ýaqyt kórsetkishin tirkegen tórt short-trekshi joldama aldy.
Qysqy Olımpıada-2026: Jarys kestesi jarııalandy
Al Iаna Han jarys barysynda qulap, tórtinshi orynmen shektelip, osy qashyqtyqtaǵy ónerin aıaqtady.
Aıta keteıik, búgingi jarys kúninde shańǵyshylar sprınt synynda óner kórsetip, irikteýden óte almady.
Qazaqstan telearnalary qysqy Olımpıada oıyndaryn tikeleı efırde kórsetedi