Rejısser Satybaldy Narymbetovtiń Oskarǵa usynylǵan «Amanat» fılmi Los Andjeleste «Asian World Film Festival» - de kórsetildi. Fılm jandy daýyspen, aǵylshyn tilinde oryndaldy. Kórermen jyly qarsy alyp, qoshemet kórsetti.
«Biz bul kartınany 6 jyl túsiremiz dedik. Dál Kenesary hannyń ózin túsirgimiz keldi. Alaıda, osy ýaqytqa deıin bul taqyryp qorǵalyp, eshkimge túsirýge berilmegen bolatyn,» - deıdi tarıhı dramanyń prodıýseri Arman Asenov.
Fılm memlekettiń 300 myń dollar qarjysyna túsirilgen, alaıda prokatta 500 myń dollar tabys tapqan.
«Bul fılmge úlken úmit artamyn, óıtkeni bul kartına qazaq halqynyń basynan keshken tarıhyn, aq patshanyń otarlaý saıasatyn, Reseı memleketiniń qaramaǵyndaǵy jyldardy, ıaǵnı keńesik kezeńdi sýretteıdi. «Oskar» Qazaqstan úshin úlken utys desek de bolady», - dedi A.Asenov.
Aıta keteıik, «Amanat» Oskar premııasynda «Aǵylshyn tilindegi úzdik fılm» retinde usynylǵan bolatyn. «Amanat» fılmi úsh kezeńdi qamtıdy. XIX ǵasyrdyń ortasy, 40-50 jyldardy jáne 1960 jyldardyń sońyn kórsetedi. Ár kezeńde de basty rólde Kenesary han, tarıhshy Ermuhan Bekmahanov, jáne pýblısıst Ramazan kórsetiledi.