Mámı: Kásibı bilikti bolý – sýdıanyń basty mindeti

Joǵarǵy sot Tóraǵasy Qaırat Mámı Sot tóreligi akademııasynyń magıstranttarymen jáne professorlyq-oqytýshylar quramymen kezdesip, Memleket basshysynyń tapsyrmasy  boıynsha «100 naqty qadam» Ult josparynyń 18-qadamyn oryndaý mańyzyn erekshe atady, dep habarlady Joǵarǵy sottyń baspasóz qyzmeti. Joǵarǵy sot janynan Akademııanyń qurylýy jáne jumys isteýi zań ústem­digin qamtamasyz etýdiń mańyzdy qadam­darynyń biri retinde aıqyndalǵan. Ony qurý kezinde halyqaralyq tájirıbeler zerdelendi, EYDU men Eýropa sýdıalary hartııasynyń usynymdary, Halyqaralyq sýdıalar qaýymdastyǵynyń jáne Eýropa sýdıalary konsýltasııalyq keńe­siniń qorytyndylary nazarǵa alyn­dy. Osylaısha Joǵarǵy sot Akade­mııa­men birlesip, barlyq qajetti norma­tıv­tik-quqyqtyq baza daıyndaldy, pro­fes­sorlyq-oqytýshylar quramy qalyp­tastyryldy, qarjy jáne materıaldyq-tehnıkalyq qamtamasyz etý máseleleri sheshildi. Búgin Akademııa óziniń aldynda turǵan mindetterdi sheshýge tolyǵymen daıyn. 2016 jylǵy magıstranttarǵa sózin arnaı otyryp, Q.Mámı olardyń zańgerlik mamandyq boıynsha jetkilikti jumys tájirıbesiniń baryna jáne túsý emtıhandary barysynda jiti irik­teý­den ótkenine erekshe toqtaldy. «Joǵar­ǵy sot janyndaǵy Sot tóreligi akade­mııa­synyń alǵashqy, sondyqtan aıryqsha túlekteri: sot júıesin tyńǵylyqty teoretıkalyq daıyndyǵy bar, bilimderin is júzinde durys qoldana alatyn jańa for­masııadaǵy kadrlarmen tolyqtyrýǵa tıis. Qazirden bastap ádildikke qyzmet etýshi­lerge júkteletin jaýapkershilikti tereń seziný qajet», dedi Joǵarǵy sot­tyń Tóraǵasy. Akademııanyń professorlyq-oqytý­shylar quramymen kezdesý kezinde jańa formasııadaǵy zańger kadrlaryn daıarlaý eldiń ındýstrııalyq-ınnovasııalyq damýyn qamtamasyz etýdiń jáne zııat­kerlik áleýetin arttyrýdyń mańyzdy sharttarynyń biri bolyp tabylady. Al Akademııanyń jańa mártebedegi negizgi mindeti sot qyzmetiniń ereksheligin eskere otyryp, oqý prosesin ózgertý bolyp ta­by­lady. Búgingi kúni basymdyq aqparat berýden sýdıanyń kásibı bilikti­ligin qalyptastyrýǵa jasalýǵa tıis. Aı­ryqsha mártebege ıe bola otyryp, Aka­demııanyń ózi derbes bilim berý, ǵyly­mı jáne ádistemelik salada negizgi ereje­lerdi ázirlep, praktıkaǵa engizýge, maman­dar daıyndaýdyń jańa baǵyttaryn aıqyn­daýǵa, olardy oqytýdyń merzimi men nysandaryn belgileýge quqyly. Q.Mámı: «Sot tóreligin júzege asyrý úshin tyńdaýshyny psıhologııalyq já­ne moraldyq-etıkalyq daıyndaý mańyz­dy bolyp tabylady. Birinshi kezekte, oqý josparlary men baǵdarlamalary tyń­daý­shylardy quqyq qoldanýǵa mashyq­tandyrýǵa tıis», dep atap ótti. Akademııany odan ári damytý perspektıvasy Sot biliminiń 2017-2020 jyldarǵa arnalǵan strategııasynyń jobasynda kózdelgen. Qazirgi kezde ol talqylaý jáne pysyqtaý kezeńinen ótýde.