Rektorlyqqa úmitkerlerdi anyqtaý komıssııasynyń birinshi otyrysy ótti

Qazaqstan Vıse-premeri Imanǵalı Tasmaǵambetovtiń tóraǵalyǵymen joǵary oqý oryndarynyń rektory laýazymyna úmitkerlerdi anyqtaý jónindegi Respýblıkalyq konkýrstyq komıssııanyń alǵashqy otyrysy ótti, dep habarlady Premer-Mınıstrdiń baspasóz qyzmeti. Eske sala ketsek, jańa talaptarǵa sáı­kes rektorlardyń taǵaıyndalýy ashyq kon­kýrs negizinde júrgiziledi. Respýblı­kalyq komıssııa qaraýyna joǵary oqý ornynyń baqylaýshy keńesi úshten kem emes kandıdatty usynady. Komıssııa qatysýshylardyń oqý ornyn damytý baǵdarlamasyn tyńdap, suhbat júrgizedi. Sonyń nátıjesinde JOO-nyń rektory laýazymyna kandıdatty anyqtaıdy. Komıssııanyń qaraýyna 21 úmitkerdiń qujattary kelip tústi. Atap aıtqanda, H.Dosmuhamedov atyndaǵy Atyraý mem­le­kettik ýnıversıtetinen – 5 adam, I.Jan­súgi­rov atyndaǵy Jetisý memlekettik ýnıver­sıtetinen – 5, Qostanaı memleket­tik pedagogıkalyq ınstıtýtynan – 6 jáne Pavlodar memlekettik pedagogıkalyq ıns­tıtýtynan 5 úmitker usynyldy. Aǵymdaǵy jyldyń qazan aıynda JOO-nyń baqylaýshy keńesteriniń otyrys­tary ótkizildi, onda úmitker­ler usynǵan oqý ornyn damytý baǵ­dar­lamalary qaraldy. Onyń qorytyn­dy­synda JOO-nyń baqylaýshy keńesteri qupııa daýys berý arqyly Respýblıkalyq komıssııa qaraýyna usyný úshin kandıdattardy anyqtady. Aıta keteıik, JOO-nyń rektorlary daýys berýge qatysqan joq. Baqylaýshy keńesterdiń hattamalyq sheshimderi barlyq qujattarymen bir­ge Respýblıkalyq komıssııaǵa usy­nyl­­dy. H.Dosmuhamedov atyndaǵy Aty­­­raý memlekettik ýnıversıtetinen usy­nylǵan 5 adamnyń ishinen 2 úmitker, I.Jan­súgirov atyndaǵy Jetisý mem­leket­tik ýnıversıtetinen usynylǵan 5 adam­nyń ishinen 2 úmitker, Qostanaı memle­ket­tik peda­gogıkalyq ınstıtýtynan 6 adam­nyń 3-eýi, Pavlodar memlekettik peda­­gogıkalyq ınstıtýtynyń 5 úmitkeri ishinen 1 kandıdattyń qujaty usynyldy. «Sizder oqý ornynyń pedagogıkalyq baǵytyn saqtap qalýdyń mańyzyn eskerý­lerińiz qajet. Eger de sizder zań jáne eko­nomıka sııaqty jańa tanymal maman­dyq­tardy engizýge umtylatyn bolsańyzdar, ózderińiz basshylyq etip otyrǵan oqý ordasynyń negizgi ornyn joǵaltyp alasyzdar. О́ıtkeni, kez kelgen kásiptiń negizi ustaz sanalady», – dedi JOO-nyń damý baǵdarlamasyn talqylaý barysynda sóz alǵan Imanǵalı Tasmaǵambetov. Bul jańashyldyq qazaqstandyq joǵary oqý oryndarynyń basqarý qura­­myn sapaly toltyrý jáne basqarý der­bes­­tigin ulǵaıtý, sondaı-aq, qoǵam aldyn­daǵy eseptilikti kúsheıtý qajettiginen týyndap otyr. Buǵan deıin memlekettik joǵary oqý oryndarynyń rektorlary Bilim jáne ǵylym mınıstriniń jeke sheshimimen taǵaıyndalyp keldi. Sondyqtan, rektorlar korpýsynyń biraz bóligi atalǵan laýazymdy 3 jyl saıyn 2 merzimnen asa ýaqyt ıelenip keldi. Osynyń saldarynan búgingi tańda rektorlardyń 40 paıyzy zeınet jasynda nemese zeınetke deıingi jas­ta, bul óz kezeginde basqarý utqyrlyǵyn tómendetedi. JOO-nyń damý baǵdarlamasyn tal­qylaý jáne suhbat qorytyndysy boıynsha Respýblıkalyq konkýrstyq komıssııa bos laýazymdarǵa usynylǵan úmitkerlerdi qarap, H.Dosmuhamedov atyndaǵy Atyraý mem­lekettik ýnıver­sıtetiniń rektory laýazy­myna taǵaı­yn­daýǵa Abzal Ahatuly Tal­tenovti, Qos­tanaı memlekettik peda­go­gıkalyq ınstı­týtynyń rektory laýazymyna Erkin Amanjoluly Ábildi usyndy. Sonymen qatar, I.Jansúgirov atyndaǵy Jetisý memlekettik ýnıver­sıteti men Pav­lodar memlekettik pedago­gı­kalyq ınstı­týtynyń rektory laýazym­daryna kandıdattar anyqtalǵan joq. Osy­ǵan oraı, Bilim jáne ǵylym mınıstr­ligine konkýrs­ty jaramsyz dep taný jáne ony qaıta ótkizý tapsyryldy.